بەختیار پشدەری : کێشەی غازی هەولێر چارەسەر دەکرێت
بە ختیار پشدەری ، بەرێوەبەری کارگەی غازی هەولێر لە لێدوانێکدا بۆ ڕاگەیاندنەکان باس لە چارەسەری کێشەی نەبوونی غاز لە هەولێر دەکات .
پشدەری دەڵێت دیارە لە چەند رۆژی ڕابردوو کێشەی دابین کردنی غاز وەک دیاردەیەکی لێهاتووە بەڵام بە هەوڵ و ماندووبوونێکی زۆر کێشەکان بەرەوچارەسەری دەچن .
لە بەشێکی تری قسەکانیدا بەختیار پشدەری گووتی ، لە وەرزی سەرمادا ئەو کێشانە دەست پێدەکەن ، ئەو ڕێژەی بۆ هەولێر دیاری دەکرێت ، بەکار هێنانی بەرز دەبێتەوە ، ئەوەش دەبێتە ئەو دیاردەی ئێستا لە بەر دەممان دایە ، بەڵام هاووڵاتیان دڵنیا دەکەینەوە لە گەڵ کۆمپانیایەکی تر گرێبەستمان واژوو کردووەو لەمرۆوە کێشەی کەمی غاز چارەسەر دەبێت .
لە کۆتاییشدا بە ئاماژەدان بە بەرز بوونەوەی نرخی غاز گووتی لە لای بریکارەکانمانەوە نرخی غاز جێگیرە ، هەر کەسێکیش گرانتر لە نرخی دیاری کراو بیفرۆشێت سزای یاسایی دەدرێت .
