كەشناسی ھەرێم: پێشبینیەکانی کەشوهەوا بۆ 48 کاتژمێری داهاتوو راگه‌یاند .. لە ھەندێك شار و شارۆچكە بەفر دەبارێت
بەڕێوەبەرایەتیی گشتیی کەشناسی و بوومەلەرزەزانیی ھەرێمی کوردستان پێشبینییەکانی کەشوھەوای 48 کاتژمێری داھاتووی بڵاو کردەوە و تێیدا ئاماژە بەوە دراوە، له هه‌ولێر، سلێمانى و دهۆك ئاسمان ساماڵ و په‌ڵه‌هه‌ور ده‌بێت، پاشان بۆ نیمچه‌هه‌ور ده‌گۆڕێت، له كه‌ركووكیش ئاسمان ساماڵ ده‌بێت، له‌كاته‌كانى شه‌ودا ئاسمان بۆ نیمچه‌هه‌ور ده‌گۆڕێت.
کەشناسیی ھەرێمی کوردستان ئەوەشی خستووەتە ڕوو، سبەى سێشه‌ممه 4/2/2020، له هه‌ولێر، سلێمانى و دهۆك ئاسمان هه‌ورى ته‌واو ده‌بێت و نمه‌باران ده‌بارێت، به‌فریش له ناوچه شاخاوییه به‌رزه‌كاندا ده‌بارێت، له كه‌ركووكیش ئاسمان نیمچه‌هه‌ور ده‌بێت، پاشان له‌كاته‌كانى ئێواره‌دا بۆ هه‌ورى ته‌واو ده‌گۆڕێت.
