ئێران پشتگیری سوریا ده‌كه‌ین دژ به توركیا به‌رگری له خۆی بكات
به‌رپرسێكی ئێرانی له‌باره‌ی هێرشه‌كانی سوپای توركیا بۆ سه‌ر ئیدلیب رایگه‌یاند، سوپای ئه‌سه‌د مافی خۆیه‌تی دژی داگیركاری خاكی وڵاته‌كه‌یی رووبه‌رووی تیرۆرستان ببێته‌وه.
عه‌باس موسه‌وی گوته‌بێژی وه‌زاه‌رتی ده‌ره‌وه‌ی ئێران رایگه‌یاند: سوپای سوریا مافی خۆیه‌تی له ناو خاكی وڵاته‌كه‌یدا، ئۆپه‌راسیۆنی سه‌ربازی له دژی هه‌ر جۆره داگیركارییه‌كی تیرۆرستان ئه‌نجام بدات كه كردوویانه‌ته سه‌ر خاكی وڵاته‌كه‌ی.
موسه‌وی گوتیشی: ئیمه له نیگه‌رانییه‌كانی هه‌ندێك له وڵاتان تێده‌گه‌ین به‌ڵام پێویسته رێگه بدرێت كه گه‌ل وحكوومه‌تی سوریا بڕیار له‌باره‌ی چاره‌نووسی خۆیان بده‌ن.
داواشی كرد كه رێز له سه‌روه‌ری خاكی سوریا بگیردرێت و جه‌ختیشی كرده‌وه كه دانووستانه‌كانی ئاستانا تاكه رێگه‌ی چاره‌سه‌ری قه‌یرانی سووریایه.
جێی ئاماژه‌یه توركیا له سوریا پاڵپشتی ملیشیا و ئۆپۆزسیۆنی سوریا ده‌كات و هاوكات روسیا و ئیران پاڵپشتی مانه‌وی رژێمی ئه‌سه‌د ده‌كه‌ن.
