یه‌كێتی ئه‌وروپا پلانی ئه‌مریكا بۆ ئاشتی له ڕۆژهه‌ڵاتی ناوین له‌گه‌ڵ پێوه‌ره نێوده‌وڵه‌تییه‌كاندا ناگونجێت
جۆزێف بۆریل به‌رپرسی سیاسه‌تی ده‌ره‌وه‌ی یه‌كێتی ئه‌وروپا ڕایگه‌یاند كه پلانی ئه‌مریكا بۆ ئاشتی له ڕۆژهه‌ڵاتی ناوین له‌گه‌ڵ پێوه‌ره نێوده‌وڵه‌تییه‌كاندا ناگونجێت كه له‌سه‌ریان ڕێككه‌وتوون.
بۆرێل له به‌یاننامه‌یه‌كدا دووپاتی كردووه‌ته‌وه كه یه‌كه‌تی ئه‌وروپا دان به ده‌سته‌ڵاتی ئیسرائیل به‌سه‌ر ئه‌و خاكانه‌ی فه‌له‌ستییه‌كاندا نانێت كه له ساڵی هه‌زارو نۆسه‌دو شه‌ست و حه‌وت داگیری كردوون.
هاوكات پێداگیری له‌سه‌ر ئه‌وه‌یش كرد كه پێویسته پرسه‌كانی ڕه‌وشی كۆتایی له وتووێژی ڕاسته‌وخۆی نێوان هه‌ردوو لایه‌نی فه‌له‌ستینی و ئیسرائیلدا تاوتوێ بكرێن.
هه‌ڵبه‌ت دۆناڵد تره‌مپ سه‌رۆكی ئه‌مریكا پلانێكی بۆ ئاشتی له ڕۆژهه‌ڵاتی ناوین پیشنیاز كردووه زۆربه‌ی وڵاتان له‌گه‌ڵی نین و هه‌ر له یه‌ك فه‌له‌ستینیه‌كان و كۆمكاری عه‌ره‌بیش ڕه‌تیان كرده‌وه.
