چین.. 65 كەسی دیكە بە كۆرۆنا گیانیان لەدەستدا
ژمارەی مردووان بە ڤایرۆسی كۆرۆنا لە وڵاتی چین گەیشتە 490 حاڵەتی گیانلەدەستدان و زیاتر لە 24 هەزار تووشبوو.
كۆمسیۆنی نیشتمانی تەندروستی جیهان بڵاویكردەوە، لە ماوەی 24 كاتژمێری رابردوودا و تاكو دوایین كاتژمێری رۆژی سێ شەممە، كۆی ئەو ژمارەی مردووان بە ڤایرۆسی كۆرۆنا لەسەر خاكی وڵاتی چین، بۆ 490 كەس بەرزبووەتەوە، كە لە چاو رۆژی دوو شەممە 65 حاڵەتی گیانلەدەستدان زیادیكردوە.
ئاماژەی بەوەشدراوە، سەرجەم مردووەكانی رۆژی سێ شەممە لە هەرێمی هۆبی ناوەڕاستی چین بوون كە سەرچاوەی بڵاوبوونەوەی ڤایرۆسەكەیە، لەو ژمارەیەش 49 كەسیان بە هەنها لە ووهانی پایتەختی هەرێمەكە مردوون.
سەبارەت بە ئاماری گشتیش، كۆمسی نیشتمانی تەندروستی چین ئاشكرایكردوە، رۆژی سێ شەممە 3 هەزار و 887 حاڵەتی نوێی تووشبوون تۆماركراوە، بەوەش كۆی توشبووان بۆ 24 هەزار و 324 كەس بەرزبووەتەوە.
