بەدەیان پاسدار لە ریزەکانی سوپای پاسداران هەڵدێن
دوای ئەوەی قاسم سولەیمانی فەرماندەی فەیلەقی قودسی ئێران لەلایەن ئەمریکا کوژرا، لە ئێستادا پشێوی کەوتۆتە ناو ریزەکانی سوپای پاسداران و ترس و دلەڕاوکێ لای سەربازان بڵاو بووەتەوەو بەهۆیەوە دەیان کەس ریزەکانی سوپایان جێ هێشتووە.
بەپێی زانیاری میدیا ناوخۆییەکانی ئێران ماوه‌ی 10 ڕۆژە هه‌لهاتن له ڕیزه‌كانی ئه‌فسه‌رانی سوپای پاسدارانی ئێرانی ده‌ستی پیكردووە، هه‌روه‌ها له‌دوای خۆپیشاندانه‌كانی خه‌لكی ئێـران دژی ڕژیمی ئـێرانی، 120 ئه‌فسه‌ری پله بالا لە ڕیزه‌كانی سوپای پاسداران و وه‌زاره‌تی به‌رگری ئیرانی له لایه‌ن ئیتلاعاتی سوپاوه ده‌ستگیر كراون.
شایەنی باسە لە ئێستادا کێشەکانی نێوان ئێران و ئەمریکا لە ترۆپکدایە، ئەمەش بووەتە هۆی درۆستکردنی دڵەڕاوکێ لای هاوڵاتیان و سەربازان.
