بە بەڵگە ، کۆسرەت ڕەسوڵ هۆشداری دەدات و داوای ڕاگرتنی کۆبوونەوەکانی ئەنجوومەنی سەرکردایەتی دەکات
کۆسرەت رەسول عەلی، سەرۆکی ئەنجوومەنی باڵای سیاسی و بەرژەوەندی یەکێتیی نیشتمانی کوردستان، ئەمڕۆ نامەیەکی ئاراستەی ئەنجوومەنی سەرکردایەتی یەکێتی نشتیمانی کردووەو داوای راگرتنی کۆبوونەوەکانی ئەو ئەنجوومەنەی کردووە بۆ ئەوەی بە بڕیارەکانیاندا بچنەوە.
بە پێی زانیاریەکانی ( دەزگای میدیایی خواکوڕک ) لە نامەکەدا هاتووە ، ئەو ئەنجوومەنە بەرپرسیارە لە بەرێوەبردنی بڕیارەکانی کۆنگرە و پاراستنی دەسکەوتەکان ، بۆیە ئەنجوومەنی باڵا بە پێی ئەرکی سەرشانی کۆبوونەوەی نائاسایی رۆژی ١١-٢-٢٠٢٠ی ئەنجام دا و ڕاگەیەندراوەکانی ئەنجوومەنی تاوتوێ کرد .
کۆسرەت ڕەسوڵ هاوکات ئاماژە بەوە دەکات یەکێتی لە دۆخێکی زۆر هەستیار و خراپ دایە بۆیە پێویستە هەموو کۆبوونەوەکانیان بۆ ماوەیەک هەڵپەسێرن .
لە بەشێکی تری نامەکەدا هاتووە ، هەموو بڕیارەکانی ئەنجوومەن تا ئێستا مەترسی هەیە بۆ هاوسەنگی ریزەکانمان ، بۆیە شەرعییەت وەرناگرێت .
لە کۆتایی نامەکەدا کۆسرەت ڕەسوڵ عەلی هیواخوازە کێشەکان چارەسەر بکرێن و هەموو لایەک لە پێناو بەرژەوەندی رێبازی مام جەلال هەنگاو بنێن کە رێبازی چەپکە گوڵەکەیە
