نووسینگەی نێچیرڤان بارزانی چارەسەری منداڵێکی برینداربووی رووداوەکانی نەجەف لە ئەستۆ دەگرێت
لە چەند مانگی ڕابردوو بەهۆی خۆپیشاندانەکانی خوارو ناوەڕاستی عێراق بەهەزاران کەس بریندار و زیاتر لە ٥۰۰کەس کوژرا، بەمەبەستی چارەسەرکردنی بریندارێکی خۆپیشاندانەکانی نەجەف، شاندێکی نوسینگەی تەندروستیی نێچیرڤان بارزانی، سەرۆکی هەرێمی کوردستان سەردانی نەجەف دەکەن و چارەسەیری منداڵێکی برینداربووی نەجەف لە ئەستۆ دەگرێت.
بەپێی زانیاریەکانی دەزگایی میدیایی خواکوڕک منداڵەکە ناوی محەممەد حەسەن خالیدی ـیە و رۆژی 6-2-2020 لە رووداوەکانی نەجەف برینداربووە، شاندی نوسینگەی تەندروستی بەمەستی هێنانی بۆ هەولێر و چارەسەرکردنی سەردانی نەجەفیان کردووە.
لەو بارەیەوە بێوار ناوداری، لێپرسراوی بەشی تەندروستیی نووسینگەی سەرۆکی هەرێمی کوردستان ڕایگەیاند، دوای ئاگاداربوونمان لە رەوشی ئەو منداڵە پەیوەندیمان بە نەخۆشخانەی سەدر لە نەجەف کردووە، بۆ ئەوەی بیهێنین بۆ هەولێر.، بەڵام بەهۆی سەختی برینەکەوە ناتوانین بیگوازینەوە بۆ هەولێر.
ئەمە لە کاتێکدایە خۆپێشاندانەکانی عێراق کە لە سەرەتای مانگی تشرینی یەکەمەوە دەستیانپێکردووە بەهۆیەوە زیاتر لە 600 کەس کوژراون و زیاتر لە 27 هەزاری دیکەش برینداربوونە.
