زانیاری لەسەر مێژووی 12 بنکە سەربازیەکەی ئەمریکا لە عێراق

جێگیربوونی هێزەکانی  ئەمریکا لە عێراق بۆ دوو ماوە دابەش دەکرێ ، یەکەم لە دوای داگیر کردنی عێراق لە ساڵی 2003 وە و تـا ساڵی 2011 کە ژمارەی هێزەکانیان نزیکەی 150 هەزار سەرباز دەبوو  پاشان بە بڕیاری سەرۆکی ئەمریکا باراك ئـۆبامـا هێزەکانیان لە عێراق کشایەوە ، و دووەم لە ساڵی 2014 دەستی پێکرد ئەو کاتەی واشنتۆن بڕیاری دا هێزی سەربازی ڕەوانەی عێراق بکات بۆ سەرکردایەتی هاوپەیمانی نێودەوڵەتی دژی داعش و لە 12 بنکەی سەربازی جێگیرکراون و ژمارەیان نزیکەی 6 هەزار سەربازە

لە ئێسـتا دا دیارترین بنکە سەربازیەکانی ئەمریکا لە عێراق بنکەی عەین ئەسەد لە پارێزگای ئەنبار و لە ساڵی 2003 وە ئەمریکا بەکاری دەهێنێت و بنکەی هەولێر کە هێزە تایبەتەکانی ئەمریکای لێیە و چەندین مووشەك و فڕۆکە و ڕاداری پێشکەوتووی لێ جێگیرکراوە و لە ساڵی 2015وە بەکاری دەهێـنن جگە لە :

1 / بنکەی ئـەبو غرێب بە دووری 32 کیلۆ مەتر لە بەغدای پایتەخت

2 / بنکەی فەلوجە کە دەکەوێتە نزیك بنکەی کامب بەهـاریا

3 / سەربازگەی ئەشـرەف دەکەوێتە شاری خالس لە پارێزگای دیالی

4 / سەربازگەی عەدالە دەکەوێتە ناوچەی کازمیە لە بەغدا

5 / بنکەی سـکایـز دەکەوێتە پارێزگای موسل نزیك لە تەلەعفەر

6 / سەربازگەی نەسر دەکەوێتە بەغدا نزیك فڕۆکەخانەی بەغدا

7 / سەربازگەی بۆکا دەکەوێتە شاری ئوم قەسر لە پارێزگای بەسـرا

8 / بنکەی زرباتیە دەکەوێتە پارێزگای واست نزیك سنووری ئێران

9 / سەربازگەی تاجی دەکەوێتە بەغدای پایتەخت

10 / بنکەی بەلەدی ئاسمانی و بە بنکەی ئەناکۆنداش ناسراوە و نزیکەی 60 کیلۆ مەتر لە بەغداوە دوورە

سەرچاوە : موازین نیوز