حكومه‌تی هه‌رێم پڕۆژه‌یه‌كی گه‌وره‌ی كاره‌با له ده‌ربه‌ندیخان ده‌ست پێده‌كات
دوای ئه‌وه‌ی حكومه‌تی هه‌رێمی كوردستان بڕیاری ده‌ست پێكردنه‌وه‌ی ژماره‌یه‌ك پڕۆژه‌ی له‌سه‌ر ئاستی كوردستان ده‌ركرد، له‌سنوری قه‌زای ده‌ربه‌ندیخان پڕۆژه‌یه‌كی گه‌وره‌ی كاره‌با دروست ده‌كرێت
له‌و باره‌یه‌وه به‌ڕێوه‌به‌ری گشتی كاره‌بای سلێمانی رایگه‌یاندووه به بڕی 140 ملیۆ ن وو 158 هه‌زار دینار چه‌ند پڕۆژه‌یه‌كی كاره‌با له سنوری قه‌زای ده‌ربه‌ندیخان جێبه‌جێده‌كرێت پڕۆژه‌كانیش له بواره‌كانی چاكسازی هێڵ و گۆڕه‌ری بۆ فیده‌ره‌كانی ناوشاری ده‌ربه‌ندیخان.
ئاماژه به‌وه‌شكراوه، بڕیاره پرۆژه‌كان له‌ماوه‌ی (40) رۆژدا ته‌واو ببن و له‌لایه‌ن كۆمپانیای (مزگێنی)یه‌وه جێبه‌جێ ده‌كرێن.
