کلۆپ پێنج یانە بۆ بردنەوەی چامپیۆنزلیگی ئەمساڵ دیاری دەکات
ڕۆژنامەی گاردیان لەسەر زاری کلۆپ بڵاویکردوەتەوە کە ڕاهێنەرە ئەڵمانییەکە پێی وایە ڕیال مەدرید و لیڤەرپوولیش لە بردنەوەی جامەکە نزیک نین، کلۆپ گوتیشی سەرەتا یانەی یۆڤێنتۆسم بەلاوە نزیکترین یانە بوو کە جامەکە بباتەوە، بەڵام ئێستا سەیر دەکەم خولی ئیتالییان یەکلایی نەکردوەتەوە، وێرای ئەوەی پێکهاتەیەکی خەیاڵیان هەیە، وێرای ئەوەش لەگەڵ یۆڤی یانەی بایەڕن زۆر. بەهێزە و بەپاڵێوراو هەژماری دەکەم هەروەها یانەی پاریس سان جێرمانیش پێکهاتەیەکی تۆکمەیان هەیە، هەرووەها ناکرێت یانەی بارسێلۆنا لە پاڵێوراوان دوور بخەمەوە ئەوانیش ڕکابەرن، هەروەها مانچێستەر سیتیش تەنها ئەو پاڵەوانێتییەیان لەبەردەمە بۆیە بۆ بردنەوەی دەجەنگن .
کلۆپ لە درێژەی قسەکانی دەڵێت “لە ڕاستیدا هەر 16 یانەی سەرکەوتوو بۆ قۆناخی 16 بەهێزن، ئێمەش وەک لیڤەرپوول ڕاستە تا ڕادەیەکی باش توانیومانە لە پرێمەرلیگ نازناوەکە زامن بکەین بەڵام ئەوە واتای ئەوە نییە کە ئێمە بۆ چامپیۆنزلیگ سەرکەوتوو دەبین، من تیشک دەخەمە سەر یاری ئاتلەتیکۆ مەدرید دواتر بیر لەشتی دیکە دەکەمەوە.
