کەشناسی هه‌رێم: به‌فر و باران ده‌ستپێده‌كاته‌وه
بەڕێوەبەرایەتی گشتی کەشناسی و بوومەلەرزەزانی هەرێمی کوردستان پێشبینییەکانی کەشوهەوای بۆ 48 کاتژمێری داهاتوو راگەیاند.
به‌رێوه‌به‌رایه‌تیه‌كه رایده‌گه‌ێنێت ، کەشوهەوای ئەمڕۆ یەکشەممە ئاسمان نیمچەهەور دەبێت پاشان دەگۆڕێت بۆ هەوری تەواو و دەستپێکردنی باران لە کاتەکانی ئێوارەدا، لە شەودا ئاستی باران بارینەکە زیاتر دەبێت لەگەڵ بەفربارین لە ناوچە سنوورییەکان و لووتکەی شاخەکان.
راشیده‌گه‌یه‌نن کەشوهەوای سبەینێ دووشەممە ئاسمان هەوری باراناوی دەبێت، لە کاتەکانی ئێوارەدا دەگۆڕێت بۆ نیمچەهەور و نمەبارانی پچڕپچڕ، لەگەڵ بەفربارین لەناوچە سنوورییەکان و لووتکەی شاخەکان.
