هەموو ئەو بەرپرسانەی لە پەراوێزی کۆنفرانسی ئاسایشی میونشن لە گەڵ سەرۆکی حکومەتی هەرێم کۆبوونەوە ، ڕایان چۆن بووە لە سەر کوردستان ؟
بەشداری مەسرور بارزانی سەرۆکی حکومەتی هەرێمی کوردستان و شاندی یاوەری لە کۆنفرانسی ئاسایشی میونشن لە ماوەی 3 رۆژدا و کۆبوونەوە لە پەراوێزی کۆنفرانسەکەدا لە گەڵ سەرۆک و وەزیرانی وڵاتندا دەنگدانەوەی خۆی هەبووە ، بە جۆرێک کە زۆرترین دیداری ئەم کۆنفرانسە لە گەڵ سەرۆکی حکومەتی هەرێمی کوردستان بووە بۆ ئەوەی بتوانن پێوەندی زیاتریان لە گەڵ هەرێمی کوردستان هەبێت .
با بزانین ڕای سەرەکی ئەوان چ بووە .
یەکەم کۆبوونەوەی سەرۆکی حکومەتی ھەرێمی کوردستان لەگەڵ” دان برولیێت” ، وەزیری وزەی ئەمه‌ریکا بوو ئەو گووتی : هەرێمی کوردستان ئەوەی هەرێمی کوردستان کردوویەتی لە توانای کەم ولاتێکدایە ، برولێێت داوای کرد پێوەندی هەمەلایەنەی خۆیان لە گەڵ هەرێم زیاد بکەن .
سەرۆك وەزیرانی بولگاریا،” بۆیکۆ بۆریسۆڤ “داوای لە سەرۆکی حکومەتی ھەرێمی کوردستان کرد سەردانی وڵاتەکەی بکات و پێوەندییەکانیان لە بوارکانی کشت و کاڵ و گەشتوگوزاردا پەرە پێبدەن .
وەزیری دەرەوەی ئەمه‌ریکا داوای ھەماھەنگی زیاتری وڵاتەکەی لەگەڵ ھەرێمی کوردستان لەرووبەرووبوونەوەی تیرۆر کرد و . مانەوە و بەردەوامی ھێزەکانی ئەمریکا و رۆڵی ھەرێمی کوردستانیشی بەرز نرخاند .
.
وەزیری بەرگری ئەڵمانیا گووتی : داعش ھەرەشەیەکی مەترسیدارە بەڵام باسی دۆخی ئارام و ئاسایشی ھەرێمی کوردستانی کرد سەرەرای مەترسی ئەو هێزانە . هەروەها بەڵێنی وڵاتەکەی لە راھێنان و راوێژ و ھاوکارییەکانی بۆ ھێزی پێشمەرگەی کوردستان دووپات کردەوە .
.
مارك ئێسپەر، وەزیری بەرگری ئەمریکا، ھەرێمی کوردستانی بە ھاوپەیمانێکی گرنگ ناو هێنا و گوتی: “بەردەوام دەبین لە پشتیوانیکردن و راھێنان بە ھێزی پێشمەرگەی کوردستان و دڵنیایین لە کورد “.
سەرۆك وەزیرانی کوێت ، پەیوەندییە ئابوورییەکانی وڵاتەکەی لەگەڵ ھەرێمی کوردستان بە گرنگ دەزانێت و داوای بەردەوامی کرد .
وەزیری دەرەوەی روسیا گووتی ھەوڵەکانیان بۆ ھێوربوونەوەی دۆخی ناوچەکە و پشتیوانی وڵاتەکەی بۆ مافی کورد لە سوریا و عێراقیش بەردەوام دەبێت و خواستی وڵاتەکەی بۆ پەرەپێدانی پەیوەندییەکانی نێوان ھەولێر و مۆسکۆی بە ئەرێنی وەسف کرد ..
ئەحمەد ئەبولغەیس، سکرتێری گشتی کۆمکاری عەرەبی ھەرێمی کوردستانی بە نموونەیەکی سەرکەوتوو لە عێراق ناوبرد و گوتی: ئەو سەرکەوتنەش لە سایەی حیکمەت و لێھاتوویی سەرۆك بارزانیەوەیە.
مارك رووتە، سەرۆك وەزیرانی ھۆڵەنداش دەیەوێت وەبەرھێنانی ھۆڵەندی لە ھەرێمی کوردستان پەرەپێ بدات. ھاوکاری وڵاتەکەشی بۆ پرۆسەی چاکسازی حکومەتی ھەرێمی کوردستان دووپاتکردەوە.
وەزیری دەرەوەی شانیشینی ئوردنی باسی لە رۆڵ و پەیوەندی مێژوویی ھەولێر و عەممانی کرد.
وەزیری دەرەوەی عێراق پێداگری لەسەر پاراستنی قەوارەی دەستوری ھەرێمی کوردستان کردەوە و گووتی ، حکومەتی نوێش دەبێ دامەزراوە فەرمیەکانی ھەرێم وەزیرەکانی ھەرێمی کوردستان لە حکومەتی نوێ دەستنیشان بکەن بە پیی یاسای بنەڕەتی .
ھارجێت سەجان، وەزیری بەرگری کەنەدا بەردەوامی وڵاتەکەی لە ھاوکاری و راھێنانكردن بە پێشمەرگە دووپاتکردەوە و ستایشی ھەرێمی کوردستانی کرد، کە بووەتە پەناگەیەکی ئارام.
ژان ئێڤ لۆدریان، وەزیری دەرەوەی فەرەنسا دووپاتیکردەوە، گرنگە ھاوپەیمانان لە ھەرێمی کوردستان و عێراق بمێننەوە. جارێکی دیکە پشتیوانی وڵاتەکەی بۆ گەل و حکومەتی ھەرێمی کوردستان دەربڕی.
راوێژکاری ئاسایشی نیشتمانی عێراق، جارێکی دیکە جەخت لەسەر پاراستنی مافە دەستورییەکانی ھەرێمی کوردستان و دەستنیشانکردنی وەزیرانی ھەرێم بۆ حکومەتی نوێی عێراق لەلایەن دامەزراوە فەرمیەکانی ھەرێمی کوردستانەوە دەکاتەوە .
وەزیری دەرەوەی ئێران گووتی ، ھەبوونی پەیوەندی باش وەک دوو دراوسێ لەسەر بنەمای رێزگرتن زۆر گرینگە ..
ئەڵمانیاش پاڵپشتی و ھاوکارییەکانی بۆ ھێزی پێشمەرگەی کوردستان دووپاتکردەوە و ھەرێمی کوردستانیشی بە نموونەیەکی گەشی دەسەڵاتداریی ناوبرد.
راوێژکاری ئاسایشی نیشتمانی بەریتانیا، بەردەوامیدان بە رووبەرووبوونەوەی ھەڕەشەکانی داعش و بەھێزترکردنی پەیوەندییەکانی ھەولێر و لەندەن بە گرینگ ناودەبات .
مەولوود چاوشئۆغڵۆ، وەزیری دەرەوەی تورکیا داوا دەکات ھەماھەنگی زیاتر ھەبێت لە نێوان تورکیا و هەرێم بۆ سەقامگیری و ئاسایشی ناوچەکە.
