زۆر خورادنەوەی قاوە ئەگەری توشبوون بە شەكرە زیاددەكات
ئەنجامی توێژینەوەیەكی پزیشكی ئاشكرای دەكات زۆر خواردنەوەی قاوە، ئەگەری توشبونی ئەو كەسانەی کە پەستانی خوێنیان بەرزە و كێشیان زۆرە، بە نەخۆشی شەكرە زیاد دەكات.
توێژینەوەكە لە ئیتاڵیا ئەنجامدراوە و باسی لەوە كردووە، خواردنەوەی زیاتر لە سێ كوپ قاوە بە شێوەیەكی بەردەوام و ڕۆژانە بۆ ئەوكەسانەی پەستانی خوێنیان بەرزە و كێشیان زیادە زیانی هەیە و دوو هێندە ئەگەری توشبوون بە نەخۆشی شەكرە زیاد دەكات.
توێژینەوەكە لەسەر هەزار و 180 كەس ئەنجامدراوە كە تەمەنیان لەنێوان 18 بۆ 45 ساڵیدا بووە، ماوەی شەش ساڵ چاودێری ڕێژەی خواردنەوەی قاوە و كاریگەرییەكانی كراوە لەسەر ئەو كەسانە.
ئەنجامەكان دەریانخستووە كە زۆر خورادنەوەی قاوە بەگشتی زیانی هەیە، بەڵام بۆ ئەو كەسانەی كە فشاری خوێنیان بەرزە و كێشان زیادە زیانەكەی زیاترە، بە تایبەت بۆ ئەگەری توشبوون بە شەكرە.
ئەم توێژینەوەیە پێچەوانەی ئەنجامی چەند توێژینەوەیەكی پێشوترە كە دەریخستبوو خواردنەوەی قاوە ئەگەری توشوبوون بە نەخۆشی شەكرە كەمدەكاتەوە.
