باره‌گای بارزانی سه‌ره‌خۆشی له‌ خانه‌واده‌ی ماملێ ده‌کات

دوای ئه‌وه‌ی ئه‌مڕۆ جه‌عفه‌ری ماملێ هونه‌رمه‌ندی كورد كۆچی دوایی كرد، باره‌گای بارزانی په‌یامێكی سه‌ره‌خۆشی و پرسه‌نامه‌ی ئاراسته‌ی كه‌سوكار و خێزانی هونه‌رمه‌ندی كۆچكردوو كرد.

ده‌قی پرسه‌نامه‌كه‌

به‌ناوی خودای به‌خشنده‌ و میهره‌بان

به‌ڕێزان خانه‌واده‌ی هونه‌رمه‌ند جه‌عفه‌ر سه‌عیدی ماملێ

به‌دڵگرانیه‌کی زۆره‌وه‌ هه‌واڵی کۆچی دوایی هونه‌رمه‌ند(جه‌عفه‌ر ماملێ) کوڕی هونه‌رمه‌ند(سه‌عیدی ماملێ) و برای خوالێخۆشبوو هونه‌مه‌ند(محه‌مه‌د ماملێ)مان پێگه‌یشت.

خانه‌واده‌ی ماملێیه‌کان خزمه‌تێکی به‌رچاوی هونه‌ری کوردی و گۆرانی ره‌سه‌نی میلله‌ته‌که‌مانیان کردوه‌. به‌م بۆنه‌ خه‌مناکه‌وه‌ سه‌ره‌خۆشی له‌ خانه‌واده‌ و که‌سوکاریان ده‌که‌ین و هاوخه‌می ئه‌وان و هونه‌مه‌ندانی کوردستانین.

خودای مه‌زن دڵنه‌وایی و ئارامی به‌هه‌موو لایه‌ک ببه‌خشێت و خوالێخۆشبێت به‌ر ره‌حمه‌تی خۆی بخات و به‌ به‌هه‌شتی شاد بکات.

انا للە و انا الیە راجعون

باره‌گای بارزانی

18ـی 2ـی 2020