حاڵەتی گیانلەدەستدان بە كۆرۆنا 2000ی كه‌سی تێپەڕاند
ژمارەی گیانلەدەستدان بە كۆرۆنا لە 24 كاتژمێری رابردووی رۆژی سێشەممە 132ی تۆماركرا و بەو جۆرە حاڵەتی گیانلەدەستدان گەیشتە 2000 كەس.
لیژنەی تەندروستی حكومەتی چین ئاشكرایكرد كە جگە لە تۆماركردنی 132 حاڵەتی مردن هاوكات 1693 حاڵەتی تووشبوونی نوێ بە ڤایرۆسەكە تۆماركراوە لە رۆژی سێشەممەدا، كە كەمترین ژمارەیە لە ماوەی هەفتەی رابردوودا.
بەو جۆرە ژمارەی تووشبوان لە چین تا ئێستا 74 هەزار كەسی تێپەڕاندووە، لە دەرەوەی چینیش تا ئێستا 900 حاڵەت تۆماركراوە لە 30 وڵاتی جیاوازدا هەروەها پێنج لەوانە گیانیان لە دەستداوە.
