بەهۆی ڤایرۆسی کۆرۆنـا عێراقیەکان داوای داخستنی سنوور دەکەن لەگەڵ ئێران
لەگەڵ ڕاگەیاندنە فەرمیەکەی ئێران بە گیان لەدەست دانی هاوڵاتیەك لە نەخۆشانەی شاری قـوم بە هۆی تووش بوونی بەڤایرۆسی کۆرۆنا و دۆزینەوەی چەند حاڵەتێکی گوماناوی دیکە لە هەمان شـار هەڵمەتێك لەلایەن عێراقیەکان لـە تۆڕە کۆمەڵایەتیەکان بڵاوکرایەوە و داوای داخستنی سنوور دەکەن لەگەڵ ئێـران و گرتنەبەری ڕێوشوێنی تەندروستی پێویست بۆ پشکنینی ئەو گەسانەی لە ئێرانەوە ڕوو دەکەنە عێراق.
هەروەها خەڵکی پارێزگای نەجەف داوایان لە دەسەڵاتدارانی عێراق کرد گەشتە ئاسمانیەکانی نێوان عێراق و ئێران ڕاگرن بە مەبەستی ڕێگری لە گواستنەوەی ئەم ڤایرۆسە و هەندێ لە چالاکوانان دژی بڕیاری وزیری ناوەخۆی عێراق وەستانەوە کە ڕێگای بە زیارەتکارانی ئێران ددات بەبێ ڤیـزا بۆ ماوەی سێ مانگ بهێنە نێو خاکی عێراق لە کاتێك دا ڤایرۆسی کۆرۆنا لە شاری قـوم بڵاوبووتەوە.
سەرچاوە : الغــد برێس
