ئەنجوومەنی وەزیران بە سەرپەرشتی مەسرور بارزانی لە کۆبوونەوەدان
کەمێک لەمەوبەر، کۆبوونەوەی ئەنجوومەنی وەزیرانی هەرێمی کوردستان بە سەرپەرشتیی مەسرور بارزانی، سەرۆکی حکوومەتی هەرێمی کوردستان دەستی پێکرد و بڕیارە چەند پرسێکی گرنگی تێدا تاوتوێ بکرێت.
له باره‌ی كۆبوونه‌وه‌كه‌شه‌وه جوتیار عادل گوته‌بێژی ئه‌نجوومه‌نی وه‌زیران ڕایگه‌یاند ته‌وه‌ره‌كانی كۆبوونه‌وه‌كه‌ی ئه‌مرۆ بریتین له :
1- خستنه‌ڕووی دوایین پێشهات و گۆڕانكارییه‌كانی عێراق و هه‌وڵه‌كانی پێكهێنانی كابینه‌ی نوێی حكومه‌تی فیدرالی.
2- ئه‌نجامه‌كانی به‌شداریی شاندی حكومه‌تی هه‌رێم به‌سه‌رۆكایه‌تی رێزدار مه‌سرور بارزانی له كۆنفرانسی میونیخ و دیداره‌كانی ئیتالیا و ڤاتیكان.
3- پلان و هه‌نگاو و رێكاره‌كانی حكومه‌تی هه‌رێمی كوردستان بۆ رووبه‌ڕووبوونه‌وه‌ی مه‌ترسیی ڤایرۆسی كۆرۆنا كه به ئاماده‌بوونی پارێزگاره‌كانی هه‌رێمی كورستان تاوتوێ ده‌كرێت.
