کۆرۆنا وڵاتێکی تری ئه‌وروپی گرتەوە
تەندروستی سویسرا تۆمارکردنی یەکەم حاڵەتی بە ڤایرۆسی کۆرۆنا راگەیاند. یەکەم حاڵەتی تووشبوون بە ڤایرۆسی کۆرۆنا تۆمار کرا کە کەسێکی بەتەمەنە.
هەروەها ئێوارەی ئەمڕۆ فەرەنسا تۆمارکردنی دوو حاڵەتی دیکەی بە ڤایرۆسەکە راگەیاند.
ڤایرۆسی کۆرۆنا ماوەی زیاتر لە دوو مانگە ٣٨ وڵاتی جیهانی گرتووەتەوە و تا ئێستا دوو هەزار و ٧١٠ کەس بەهۆی ڤایرۆسەکەوە گیانیان لەدەستداوە و ٨٠ هەزار و ٣٨٢ کەسیش هەڵگری ڤایرۆسەکەن، هەروەها تا ئێستا ٢٧ هەزار و ٤٧٦ کەس چاکبوونەوەتەوە.
