ئه‌مریكا و تالیبان ئه‌مڕۆ له قه‌ته‌ر رێكده‌كه‌ون
دوای چه‌ندین كۆبوونه‌وه له نێوان نوێنه‌ری ئه‌مریكا و نوێنه‌رانی تالیبان له قه‌ته‌ر، بۆ واژۆكردنی رێككه‌وتنی ئاشتی بڕیاره ئەمڕۆ لە قەتەر رێككەوتنی نێوان ئەمریكا و بزوتنەوەی تاڵیبانی ئەفغانستان واژۆبكرێت، بە پێی رێككەوتنەكە ئەمریكا لەو وڵاتە دەكشێتەوە و تاڵیبانیش بەهاكانی شارستانیەت و مافی مرۆڤ قبوڵدەكات.
به پێی زانیاریه‌كانی میدیای قه‌ته‌ر، ئه‌مڕۆ رێككه‌وتنه‌كه واژۆ ده‌كرێت، ناوه‌ڕۆكی رێككه‌وتنه‌كه بریتی ده‌بێت له‌وه‌ی كه ئەمریكا بەشێوەیەكی هەنگاوە بە هەنگاو هێزەكانی خۆی لە ئەفغانستان دەكشێنێتەوە و بەندكراوەكانی تاڵیبانیش لە زیندان ئازاد دەكات، لە بەرامبەریشدا، تاڵیبان هێرشەكانی بۆسەر هێزەكانی ئەمریكا و هاوپەیمانەكانی رادەگرێت و بە نێوەندگیریی واشنتۆن دانوستان لەگەڵ حكومەتی كابول دەكات و دەبێت بە سنگێكی فراوان پێشوازی لە بەهاكانی شارستانیەت و مافی مرۆڤ بكات.
هه‌روه‌ها میدیاكانی قه‌ته‌ر ئاشكراشیانكردووه كه مایك پۆمپیۆ وه‌زیری ده‌ره‌وه‌ی ئه‌مریكا و شاندێكی تالیبان كه 31 كه‌سه له قه‌ته‌رن بۆ واژۆكردنی رێككەوتنەكە هه‌ر له باره‌ی رێككه‌وتنه‌كه زەبیحوڵڵا موجاهید گوتەبێژی بزوتنەوەی تاڵیبان ئاشكرایكرد، بزوتنەوەكە فەرمانی بە تەواوی چەكدارەكانی كردووە هێرشەكانیان راگرن بۆ واژۆكردنی رێككەوتنەكە لەگەڵ ئەمریكا و هێنانەئارای ئاشتی و ئارامی لە ئەفغانستان.
وتەبێژەكەی بزوتنەوەی تاڵیبان هیواشیخواستووە ئەمریكا پابەندبێت بە بەڵێنەكانییەوە لەچوارچێوەی رێككەوتنەكەدا.
