سیامەند ڕەحمان ، پاڵەوانی جیهانی کورد کۆچی دوایی کرد

سیامەند ڕەحمان کوردی رۆژهەڵاتی کوردستان لە شاری شنۆ ، قارەمانی جیهانی بەرزکردنەوەی قورسایی بە هۆی جەڵدەی دڵ کۆچی دوایی کرد .

سیامەند ڕەحمان یاریزانی پارائۆلۆمپی ئێران ، پاڵەوانی دوو جار پارائۆلۆمپی و  2جار قارەمانی جیهان کە لە هەمانکاتدا خاوەن پێداویستی تایبەت بوو لە تەمەنی31 سالیدا کۆچی دوایی کرد .

سیامەند ڕەحمان جیا لە قارەمانەتی پارائۆلۆمپی لە ساڵی 2012 ی لەندەن و 2016ی رییۆ ، 5 میدالیای ئاڵتوونی و میدالیایەکی زێوی جیهانی لە بەرزکردنەوەی قورسایی بەدەست هێنابوو .

هەروەها سێ میدالیای لە راییەکانی ئاسیایی ساڵی 2010 ی گواگژوو ، 2014 ی ئینچئوون و 2018ی جاکارتای بۆخۆی مسۆگەر کردبوو.

سیامەند ڕەحمان ناوی لە کتێبی گینس تۆمار کراوە