ئه‌نجومه‌نی پارێزگای هه‌ولێر پرۆژه‌یه‌ك سه‌باره‌ت به‌پاشه‌كه‌وتی مووچه ره‌وانه‌ی ئه‌نجومه‌نی وه‌زیران ده‌كات
خواكوڕك
ئه‌نجومه‌نی پارێزگای هه‌ولێر له‌چه‌ند رۆژی رابردوو پرۆژه‌یه‌ك سه‌باره‌ت به‌پاشه‌كه‌وتی مووچه‌ی فه‌رمانبه‌ران ئاماده ده‌كات، به‌پێی پرۆژه‌كه فه‌رمانبه‌ران ده‌توانن پاره هه‌ڵگیره‌وه‌كانیان له مامه‌ڵه‌ی میری به‌كاربێنن.
له پرۆژه‌كه‌دا هاتووه، هه‌موو ئه‌و كارمه‌ند و مووچه‌خۆرانه‌ی به‌پێی سیسته‌می پاشه‌كه‌وت مووچه‌یان له‌لای حكومه‌ته، ده‌توانن پاشه‌كه‌وتی مووچه‌كه‌نیان بۆ پارەی ئاو، كارەبا، سزاكانی هاتووچۆ و هەموو جۆرە قەرزێكی حكومەتی به‌كاربێنن.
عەلی رەشید، سەرۆكی ئەنجوومەنی پارێزگای هەولێر رایده‌گه‌ینێت، “پڕۆژەكەیان لە كۆبوونەوەیەكی ئەنجوومەنی پارێزگا پەسەند دەكرێت، دواتر بۆ ئەنجوومەنی وەزیران بەرزدەكرێتەوە”.
سەرۆكی ئەنجوومەنی پارێزگای هەولێر به رووداوی راگه‌یاندووه، “دوای پەسەندكردنی لە ئەنجوومەنی پارێزگای هەولێر، پڕۆژەكە بۆ ئەنجوومەنی وەزیرانی هەرێمی كوردستان دەنێردرێت، بۆ ئەوەی هەموو كوردستان بگرێتەوە، نەك بە تەنیا مووچەخۆرانی پارێزگای هەولێر”.
سیسته‌می پاشه‌كه‌وتی مووچه له1/1/2016 له‌چوارچێوه‌ی پرۆژه‌ی چاكسازی حكومه‌ت و كه‌مكردنه‌وه‌ی خه‌رجیه‌كان به‌هۆی قه‌یرانی داراییه‌وه جێ به‌جێكرا، به‌پێی سیسته‌مه‌كه مووچه‌خۆران بڕی پاشه‌كه‌وت له نێوان %25 بۆ %75 له مووچه‌كانیان كه‌م ده‌كرێته‌وه.
