وه‌زاره‌تی ته‌ندروستی عێراق تۆماركردنی دوو حاله‌تی دیكه‌ی كۆرۆنای له كه‌ركووك راگه‌یاند
دوای ئه‌وه‌ی چه‌ند حاله‌تێكی تووش بووی ڤایرۆسی كۆرۆنا له كه‌ركووك تۆماركران كه پێشتر له ئێران گه‌ڕابوونه‌وه، كه‌مێك له‌مه‌وبه‌ر له به‌یاننامه‌یه‌كدا، وه‌زاره‌تی ته‌ندروستی و ژینگه‌ی عێراق رایگه‌یاند، سێ حاڵه‌تی دیكه‌ی تووشبوون به كۆرۆنا له عێراق تۆمار كراون.
له به‌یاننامه‌كه‌ی وه‌زاره‌تی ته‌ندروستی و ژینگه‌ی عێراقدا هاتووه‌ت دوو له حاڵه‌ته‌كان له كه‌ركووك و سێیه‌میان له پارێزگای واست تۆمار كراون.
وه‌زاره‌تی ته‌ندروستی و ژینگه‌ی عێراق راشیگه‌یاندووه، ئه‌و تووشبووانه خراونه‌ته ژێر چاودێری وردی پزیشكییه‌وه و رێكاری پێویست بۆ چاره‌سه‌ریان گیراوه‌ته به‌ر.
