وەزارەتی پەروەردە پەیامێک ئاراستەی خوێندکاران دەکات

لە ڕاگەیەندراوێکدا وەزارەتی پەروەردەی حکومەتی هەرێمی کوردستان سەرجەم قوتابیانی پۆلی ٩ ی بنەڕەتی و ١٢ی ئامادەیی ئاگادار دەکاتەوە و ئاماژە بەوە دەکات لە رێگای پەخشی ڕاستەوخۆ ( لایڤ )  لە پەیجی تەلەڤزیۆنی پەروەردەیی لە فەیسبووکەوە وانەکان دەگوترێنەوەو دەتوانن  بەردەوام بن لە خوێندنی رۆژانەیان .

دەقی راگەیەندراوەکەی وەزارەتی پەروەردە:

وەک ئاگاداران لە چوارچێوەی سیاسەتی خۆپارێزیی لە ڤایرۆسی کۆرۆنا ناوەندەکانی خوێندن لە پشوودان، داواکارین رەچاوی ئەم خاڵانە بکەن بە سوپاسەوە:

۱ـ ڕێنماییەکانی وەزارەتی تەندروستی حکومەتی هەرێمی کوردستان بۆ خۆپارێزیی لە ڤایرۆسی کۆرۆنا رەچاو بکەن، ڕاگەیاندنی پشووی ناوەندەکانی خوێندن بەشی یەکەمی پاراستنی قوتابیان و خوێندکارانە، بەشی دووەمی ئەرکەکە لەسەر شانی ئێوەی بەڕێزە کە لە دەرەوەی ناوەندەکانی خوێندن زیاتر ئاگاداریان بن.

۲ـ دوورکەوتنەوە لە سەردانکردن و زۆر نەچوونە دەرەوەو و دوورکەوتنەوە لە شوێنە قەرەباڵغەکان کارێکی گرنگە.

۳ـ قوتابیان و خوێندکارانی قۆناغی بنەڕەتی بە تایبەت بازنەی 1 و 2 ، واتە یەکی بنەڕەتی تا شەشی بنەڕەتی پێویستیەکی زیاتریان بە چاودێریکردن و هاندانی ئێوەی بەڕێزە بۆ خۆپارێزیی و پاکوخاوێنی ڕاگرتنی زیاتر.

٤ـ بەمەبەستی سوود گەیاندنی زیاتر بۆ قوتابیان و خوێندکارانی قۆناغەکانی 9ـی بنەڕەتیی و 12ـی ئامادەیی ، تەلەڤزیۆنی پەروەردەیی، کە کەناڵی فەرمی وەزارەتی پەروەردەیە، تەرخانکراوە بۆ پەخشکردنی وانەکانی ئەو دوو قۆناغە، بە شێوەزاری سۆرانی و بادینی، وە لە سەرتاسەری هەرێمی کوردستان پەخشی هەیە، وە لەپەیجی تەلەڤزێۆنی پەروەردەیی لە تۆڕی کۆمەڵایەتی فەیسبووک ڕاستەوخۆ (لایڤ) وانەکان پەخش دەکرێن. کارێکی گرنگ دەکەن، کە هانیان بدەن سوود لە وانەکانیان وەربگرن و بینەری بن کە لەم ڤیدیۆیە و گرافیکانەدا کاتەکانی پەخشی وانەکانمان لە 7ی 3 تا 16ی 3، واتە بۆ ماوەی 10 رۆژ بڵاوکردۆتەوە.

٥ـ لە رابردوو، وێبسایت و ئەپڵیکەیشنی هەورەفێرگەمان بۆ قوتابیان و خوێندکاران خستە روو، کە لە قۆناغی 1ی بنەڕەتیی تا 12ی ئامادەیی وانەکان بە ڤیدیۆ بەردەستن، بەم ناونیشانە www.hrf. one

سوپاس هاوکار و هاندەر بن لە پێناو خۆپارێزیی و سوود وەرگرتن لەوانەکانیان.

خشتەی وانەکان لەم لینکە بزانە:

https://www.facebook.com/MOE.KRG.official/posts/2595854057211005