هه‌ولێكی تیرۆركردنی سه‌رۆك وه‌زیرانی سودان شكست خوارد

دوای ئه‌وه‌ی سه‌رۆك وه‌زیرانی سودان به‌ڕێگاوه‌ بوو به‌ره‌و شوێنی كاره‌كه‌ی بڕوات، رووبه‌رووی هێڕشێكی تیرۆریستی بوو له‌ هەوڵێكی تیرۆركردن لەنێو خەرتومی پایتەخت رزگاری بو.
بەگوێرەی هەواڵێكی كەناڵی سكای نیوزی عەرەبی، هەوڵی تیرۆركردنی عەبدوڵڵا حەمدۆك سەرۆكی ئەنجومەنی وەزیرانی سودان لە لە رێی بۆمبی چێندراوەوە بوە، كە لە ناوچەی “كبری كوبری” لە باكوری خۆرهەڵاتی خەرتوم بۆی دانراوە و بە ئۆتۆمبێلەكەیدا تەقیوەتەوە، بەڵام هیچ زیانێكی بەرنەكەوتوە و تەنها كەسێك بە سوكی برینداربوە. كاروانەكەشی تەنها لە دوو ئۆتۆمبێل پێكدێت.

لەوبارەیەشەوە كەناڵی تەلەفزیۆنی سودان بڵاویكردەوە، پاش هەوڵەكە، حەمدۆك براوەتە شوێنێكی پارێزراو و سەرجەم دیدار و كۆبونەوەكانیشی هەڵوەشێنراوەتەوە، تائێستاش نازانرێت كێ لە پشت هەوڵی تیرۆركردنەكەوەیە.