نرخی نەوت بەرزبووەوە
خواكوڕك
لەدوای ڕێككەوتنی وڵاتانی ئۆپیك لەسەر سنورداركردنی هەناردەی نەوت بۆ بازاڕەكانی جیهان، لە هەفتەی رابردوو بۆیەكەمین جار نرخی نەوت بەشێوەیەكی بەرچاودابەزی, بەڵام ئەمڕۆ چوارشەممە ٢٨ی كانونی یەكەمی ٢٠١٦، نرخی بەرمیلێك نەوتی برنت بەرزبووە بە ٥٧ دۆلار و ٢٠سەنت مامەڵەی پێوەكرا, بەرمیلێك نەوتی خاوی ئەمەریكی ٥٤ دۆلار و ٢٤ سەنتە.
بەرزبوونەوەی نرخی نەوت بۆئەم ئاستە لەكاتێكدایە كە ڕۆژی ٣٠ تشرینی دووەم وڵاتانی بەرهەمهێنی نەوت (ئۆپیك) لە ڤیەننای پایتەختی نەمسا كۆبوونەوە بەمەبەستی سنورداركردنی هەناردەی نەوت بۆ بازاڕەكانی جیهان كە بۆ یەكەمجار لە ساڵی ٢٠٠١ەوە ڕێككەوتنی نێوان ووڵاتانی ڕێكخراوی ئۆپێك و وڵاتانی دەرەوەی ڕێكخراوەكە ئەنجامدرا، بۆ كەمكردنەوەی بەرهەمهێنانی نەوت، هەنگاوی دواتریش بریتییە لە پابەندبوون پێوەی لە بازاڕەكاندا
شایەنی باسە ڕۆژی شەممە ١٠ی كانونی یەكەمی ٢٠١٦ وڵاتانی ڕێكخراوی ئۆپێك و وڵاتانی دەرەوەی ڕێكخراوەكە ڕێككەوتن لەسەر كەمكردنەوەی بەرهەمهێنانی نەوت. پێش ڕێككەوتنەكە ڕۆژانە ٣٣ ملیۆن و ٦٠٠ هەزار بەرمیل نەوت بەرهەمدەهێنرا، لە دوای ڕێككەوتنەكەش، ملیۆنێك و ٢٠٠ هەزار بەرمیل نەوت لە ئاستی بەرهەمهێنانی ڕۆژانە كەمدەكرێتەوە.
