سه‌رۆكی كه‌نه‌دا و هاوسه‌ره‌كه‌ی كه‌ره‌نتینه‌كران
دوای ئه‌وه‌ی نیشانه‌كانی تا له سه‌ر هاوسه‌ری سه‌رۆكی كه‌نه‌دا ده‌ركه‌وتوون، حكومه‌تی كه‌نه‌دا رایگه‌یاند كه سەرۆک وەزیرانی وڵآت و هاوسەرەکەی خۆیان کەرەنتینە کردووە.
حكومه‌تی كه‌نه‌دا له راگه‌یێندراوێكدا ئاماژه‌ی بۆ ئه‌وه كردووه كه جەستن تۆدۆ، سەرۆک وەزیرانی کەنەدا و هاوسەرەکەی لە ماڵەوە دەمێننەوەو کارەکانیان ئەنجامدەدەن ئەوەش دوای ئەوەی نیشانەکانی تا لەسەر هاوسەرەکەی ترۆدۆ دەرکەوتووە و لە ئێستادا چاوەروانی ئەنجامی پشکنینەکانی هاوسەرەکەی دەکات.
هاوکات سەرۆک وەزیرانی کەنەدا سەرجەم کۆبوونەوەکانی ئەمڕۆ پێنجشەممە و سبەینێ هەینی هەڵوەشاندەوە کە بە نیازبوو لەگەڵ سەرۆکی هەرێمەکانی کەنەدا ئەنجامیبدا.
شایه‌نی گوتنه پێشتر حكومه‌تی كه‌نه‌دا له راگه‌یێندراوێكدا ئاماژه‌ی بۆ ئه‌وه كردبوو كه ١٣٩ کەس لە کەنەدا تووشی کۆرۆنا بوون.
