فەرماندەیەکی باڵایی سوپای پاسداران بەهۆی کۆرۆنا گیانی لەدەستدا
پاش ئەوەی ڤایرۆسی کۆرۆنا لە جیهاندا بڵاو بووەوە، ئێران یەکێکە لەو وڵاتانەی زۆرترین حالەتی تووش بوون بەهۆی کۆرۆنای تێدا تۆمارکراوە، ژمارەیەک بەرپرسیش بەهۆی ڤارۆسەکە گیانی لەدەستداوە، میدیاکانی ئێران ئاشکرایانکرد کە ئەمڕۆ فه‌رمانده‌یه‌كی سوپای پاسدارانی كۆماری ئیسلامی ئێران، عه‌مید ناسر شه‌عبانی به هۆی تووشبوونی به كۆرۆنا گیانی له ده‌ستدا.
لە چوارچێوەی هەوالەکانی پەیوەست بەکۆرنا ئەمڕۆ ئاژانسی هه‌واڵی فارس، رایگەیاندووە کە فەرماندەیەکی سەربازی پاسداران کە پێشتر جێگری فه‌رمانده‌ی باره‌گای تۆڵه‌ی خودایی بووه، كه تایبه‌ت بووه به ئۆپراسیۆنه‌كان له تارانی پایته‌خت ئەمڕۆ گیانی لەدەستدا.
ئەو ئاژانسە راشیگەیاند کە تا ئێستا پێنج فه‌رمانده‌ی سوپای پاسداران به كۆرۆنا گیانیان له‌ده‌ستداوه و هه‌روه‌ها 13 كه‌سایه‌تی باڵای كۆماری ئیسلامی ئێران گیانیان له‌ده‌ستداوه و 11ی دیكه تووشی ئه‌و په‌تایه بوونه.
