لیژنەی بەرەنگاربوونەوەی کۆرۆنا لە سۆران رێنمایی و ڕێکاری نوێ بۆ72 کاتژمێری داهاتوو ئاراستەی هاووڵاتیان دەکات
لەم بڕیارانەدا سەبارەت بە ڕاگیرانی هاتووچۆی نێوان قەزاکان چەند روونکردنەوەیەک وەک رێکاری نوێ باس کراوە ،
هاوکات باس لە شوێنی فرۆشتنی کەڵ وپەل دەکرێت بە پێی چۆنیەتی رێنامییەکان .
بڕیارەکان ناوچەی پیشەسازی و پێشانگای ئۆتۆمبێلەکان و شوێنە تەندروستیەکانیش دەگرێتەوە .
باس لە راگوێزانی ئەو باڵندەو پەلەوەرانە دەکرێت کە لە ناو شاردا بە خێو دەکرێن و یاسای توند بۆ فرۆشتنی بەقاچاغی مەڕو ماڵات گیراوەتە بەر
دەقی بڕیارنامەکە
بڕیاری لیژنەی بەرەنگار بوونەوەی کۆڕۆنا لە سۆران ، لە بارەی٧٢ کاتژمێری داھاتوو ، جولە بەم شێوەیە دەبێ ..
١- ھاتووچۆی نێوان قەزاکان رادەگیرێ ، تەنیا بۆ پێویستی تەندروستی و کارمەندانی ھیزە ئەمنیەکان و بازرگانی نێودەوڵەتی کراوە دەبێ ، بۆ ناحیەکانی سیدەکان و خەلیفان بۆ کاری پێویست نەبێ ھاتوچۆ نەکرێ .
٢- جگە لەو شوێنانەی ناوشار ، ھەموو بازار دادەخرێ :-
شوێنەکانی فرۆشتنی کەل و پەلی خواردەمەنی / سەوزە فرۆش / شیرەمەنی فرۆش (ماست فرۆشەکان) / نانەواخانەکان / نۆرینگە و دەرمانخانەکان بە پێی رێنمایی دیاری کراو بۆیان / غاز فرۆشەکان / قەسابەکان ڕۆژێک نا ڕۆژێک / مریشک فرۆشەکان بە پەیوەستی ڕێنماییەکان / چێشتخانەکان بە شێوەی سەفەری .
٣- ناوچەی پیشەسازی و پێشەوەران و پیشانگاکانی ئوتومبیل دادەخرێن .
٤- جولەی ئوتومبێل بۆ کاری پێویست نەبێ قەدەغەیە لە ناو شار ودەوروبەری .
٥- بۆ پێداویستی تەندروستی ، لە کاتی پێویست بەرێوەبەرایەتی تەندروستی سۆران پسولەی دەرچوون دەدات .
٦- بۆ ماوەی ٧٢ کاتژمێر ئەوانەی ئاژەڵ و مریشک لە ناو شار بە خێو دەکەن ببەنە دەرەوەی شار ، ئەگینا ڕوو بە ڕووی ئیجرائات دەبنەوە . ھەروەھا ھەر کەس لە سنورەکان بە قاچاخ کڕین و فرۆشتنی مەڕوماڵات بکات ، ڕوو بە ڕووی ئجرائاتی زۆر توندی یاسایی دەبێتەوە .
٧- بەڕێوەبەرایەتی پۆلیسی ھاتوچۆ ڕادەسپێرین بۆ ڕێکستنی ھاتووچۆ بە پێی ئەو ڕێنمایانە .
٨- ھێزەکانی ئەمنی لە ئاسایش و پۆلیس و پۆلیسی بەرگری شارستانی ، ھاوکاری پۆلیسی ھاتوچۆ و لیژنەی ئابوری سۆران ئەبن بۆ جێ بە جێ کردنی ئەو بڕیارانە .
٩- ناحیەکانی سەر بە سۆران ھەمان ڕێنمایی دەیانگرێتەوە .
١٠- ئەم شەو١٥لەسەر ١٦ی ئازار ، کات ژمێر ١٢ی شەو جێ بەجێ دەکرێت .
ژمارە تەلەفۆنی ژووری عملیات
٠٧٥٠٣٦٠٣٥٣٤
٠٧٥٠٣٦٠٣٥٣٩
ژوری ھەر کەس لە سنورەکان بە قاچاخ کڕین و فرۆشتنی مەڕوماڵات بکات ، ڕوو بە ڕووی ئجرائاتی زۆر دەبێتەوە .
١٥/٣/٢٠٢٠
