چین ڕێگە بە تاقیکردنەوەی ڤاکسینی دژ بە کۆڕۆنا داو سەرکەوتو بوو

ئه‌مڕۆ دەسەڵاتدارانی چین به‌ فه‌رمی ڕێگه‌یان دا یه‌كه‌مین ڤاكسینی دژه‌ ڤایرۆسی كۆرۆنا كه‌ له‌و وڵاته‌ دروست كراوه‌ له‌ نه‌خۆشخانه‌كاندا تێستی پێ بكریت.

له‌مبارەیەوە ته‌له‌ڤزیۆنی ناوه‌ندی چین له‌ڕاپۆرتێكدا ڕایگه‌یاند كه‌ تیمێك له‌ توێژه‌رانی چین به‌ سه‌رۆكایه‌تی ئه‌كادیمی چین وای شنک ڕێگه‌یان پێ درا ئه‌و ڤاكسینه‌ تێست بكه‌ن.

ڕاپۆرته‌كه‌ ئاماژه‌ی به‌وه‌یش كردووه‌ كه‌ تێسته‌ سه‌ره‌تاییه‌كانی ئه‌و ڤاكسینه‌ ده‌ریانخستووه‌ كه‌ ڤاكسینه‌كه‌ كاریگه‌ری هه‌یه‌و سه‌لامه‌تیشه‌.

ئه‌و تیمه‌ ڕۆژی ۲٦ـی كانوونی دووه‌م گه‌یشتبوونه‌ شاری ووهان كه‌ سه‌رچاوه‌ی سه‌رهه‌ڵدانی نه‌خۆشییه‌كه‌یه‌و ده‌ستیان به‌ لێكۆڵینه‌وه‌ی ڤایرۆسه‌كه‌ كردبوو كاریان بۆ دۆزینه‌وه‌ی هۆكار بۆ له‌ناوبردنی ڤایرۆسه‌كه‌ كردبوو.

پیشتریش چه‌ند زانایه‌كی چینی ڕایانگه‌یاندبوو كه‌ هه‌شت ڤاكسینی جۆراوجۆریان دژ به‌ ڤایرۆسی كۆرۆنا دروست كردووه‌و ئاماژه‌یان به‌وه‌ كردبوو كه‌ هه‌ندێكیان له‌كاتی تێست كردنیان له‌سه‌ر ئاژه‌ڵ كاریگه‌رییان هه‌بووه‌.