بە فەرمانی وەزیری پێشمەرگە: دوو فەرماندەی باڵای وەزارەتی پێشمەرگە لە کار لادران
دوای ئه‌وه‌ی وه‌زاره‌تی پێشمه‌رگه هۆشداری دایه پێشمه‌رگه‌و فه‌رمانده‌كانی پێشمه‌رگه كه پێگیری به بڕیاره و فه‌رمانه‌كانی وه‌زاره‌تی پێشمه‌رگه بكه‌ن، به تا یبه‌ت له ئێستادا كه هه‌رێمی كوردستان رووبه‌رووی ڤایرۆسی كۆرۆنا بوه‌ته‌وه‌و به هۆی بڵاوبوونه‌وه‌ی ڤایرۆسه‌كه بڕیاری قه‌ده‌غه‌كردنی هاتووچۆی هاوولاتیانی راگه‌یاند و هاوكات بڕیاره‌كه بووه هۆی دوا كه‌وتنی مووچه‌ی چه‌ند یه‌كه‌یه‌ك له‌وانه پێشمه‌رگه.
به هۆی پابه‌ند نه‌بوون و لادانیان له فه‌رمانه‌كانی وه‌زاره‌ت به فەرمانی شۆڕش ئیسماعیل، وەزیری پێشمەرگە هه‌ردوو لیوا سەربەست زێباری، به‌ڕێوه‌به‌ری به‌ڕێوه‌به‌رایه‌تیی رشته‌كان لە وەزارەتی پێشمەرگە و عەمید روکن رێبوار عەلی، فەرماندەی لیوای یەکی پیادەی کەرکووک لە کارەکانیان دوورخراونەتەوە.
به پێی زانیاریه‌كانی ده‌زگای میدیایی خواكوڕك دوورخستنەوەی هەردوو فەرماندەکە بەهۆی لادانە لە پرەنسیپی سەربازی و بڵاوکردنەوەی بابەت لە تۆڕە کۆمەڵایەتییەکان، به تایه‌بت له‌باره‌ی دواكه‌وتنی مووچه‌ی پێشمه‌رگه بووه له كاتێكدا به هۆی بڕیاری قه‌ده‌غه‌ی هاتووچۆ مووچه‌كه دواكه‌وتووه.
