لە ژێر چاوەدێرییەکی چڕدا سەدان تۆن رۆژانە خواردن دەهێندرێتە هەرێمی کوردستانەوە
سنووری نێو دەوڵەتی حاجی ئۆمەران بۆ هاوردەکردنی خۆراک بە شێوەی ڕابردوو کراوەیەو، رۆژانە بە سەدان تۆن خواردنی هەمە جۆرە دێتە کوردستانەوە .
لەمبارەوە سەنگەر رەحمان به‌رپرسی بنكه‌ی وه‌رگرتنی نموونه‌ی خۆراك له سنووری حاجی ئۆمه‌ران بۆ ڕاگەیاندنەکانی ئاشکرا دەکات ، وێرای بەردەوامی هاوردەکردن بە شێوەی ڕابردوو ، جیاوازی لەوەدایە ، تیمەکانی تەندروستی هەرێمی کوردستان بە لە بەرچاو گرتنی هەڵمەتی بەرەنگار بوونەوەی کۆرۆنا زۆر بە چڕی پشکنین و چاودێری کاڵاکان دەکەن ، پاشان کاڵا دێتە ناو هەرێمی کوردستانەوە .
به‌رپرسی بنكه‌ی وه‌رگرتنی نموونه‌ی خۆراك هەروەها دەڵێت هەموو جۆرە خواردنەکان لە سەوزەو میوە، تا هەموو کالاکانی تر پشکنینی فیزیایی و کیمیاویان بۆ دەکرێت ، تا لەو تاقیگەیە دەرباز نەبن ، ناتواندرێت بێتە ناو هەرێمەوە .
