لە تورکیا نزیکەی سەد حاڵەتی تری کۆرۆنا تۆمارکرا
وەزیری تەندروستی تورکیا رایگەیاند ٩٣ حاڵەتی نوێی کۆرۆنا لە تورکیا تۆمارکراوە و لە ژێر چارەسەردان.
فەخرەدین کۆجا وەزیری تەندروستی تورکیا لە تویتەر رایگەیاند،لەگەڵ تۆمارکردنی ئەو حاڵەتە نوێیانە کەسێکی دیکەیان گیانی لەدەستداوە کە تەمەنی ٦١ ساڵە و لە ڕەگەزی نێرە.
بەپێی ئامارەکان لە ئێستادا لە تورکیا ١٩١ حاڵەتی کۆرۆنا هەیە و دوو کەسیش گیانیان لەدەستداوە.
تورکیا یەكێک بوو لەو وڵاتانەی هەتا چەند رۆژێک پێش ئێستا هیچ حاڵەتێکی کۆرۆنای تێدا تۆمار نەکرابوو،بەڵام لە چەند رۆژێکدا ژمارەیەکی زۆر حاڵەتی تێدا تۆمارکراوە.
