به‌وێنه‌.. له‌ ئاكرێ گەنجێكی 35 ساڵان ئاگری له‌ جه‌سته‌ خۆی به‌ردا

كاتژمێر 12ی شه‌وی ڕابردوو له‌ قه‌زاى ئاكرێ گه‌نجێكی ته‌مه‌ن 35 ساڵ ئاگری له‌ جه‌سته‌ی خۆی به‌ردا و به‌هۆیه‌وه‌ گیانی له‌ده‌ستدا.

فراس یاسین گوته‌بێژی پۆلیسی به‌رگری شارستانی ئاكرێ ڕاگه‌یاند: نزیكی كاتژمێر 12:30 خوله‌كی شه‌وی ڕابردوو گه‌نجێكی ته‌مه‌ن 35 ساڵ به‌ ناوی (ئ،م)  له‌ گه‌ڕه‌كی گوڵانی قه‌زای ئاكرێ ئاگری له‌جه‌سته‌ی خۆی به‌ردا و به‌هۆی به‌رزی ڕێژه‌ی سووتاویه‌كه‌شیه‌وه‌ ده‌ستبه‌جێ گیانی له‌ده‌ستدا.

ڕاشیگه‌یاند: گه‌نجه‌كه‌ له‌ ناو هێزی له‌شكریدا كاری ده‌كرد و تا ئێستاش هۆكاری خۆشووتاندنه‌كه‌ی ڕوون نه‌بووه‌ته‌وه‌.

هه‌روه‌ها ڕایگه‌یاند:ته‌رمه‌كه‌ی گوازرایه‌وه‌ بۆ پزیشكی دادوه‌ری و دۆسیه‌ی لێكۆڵینه‌وه‌ش بۆ ڕووداوه‌كه‌ كراوه‌ته‌وه‌.