گەرمیان : چەند بڕیارێک لە پێناو پاراستی هاووڵاتیان لە کۆرۆنا دەردەکات

لە پێناو پلانەکانی رووبەڕوو بوونەوەی ڤایرۆسی کۆرۆنا ، ئیدارەی گەرمیان بە ئامادە بوونی سەرپەرشتیاران و بە لەبەرچاو گرتنی رێنماییەکانی وەزارەتی تەندروستی و وەزارەتی ناوخۆ ، لە دوای تاوتوێی ڕەوشی ئیستای ناوچە چنەد بڕیاریان ئاراستەی هاووڵاتیان کرد .

لە بڕیارەکاندا باس لە درێژکردنەوەی قەدەغەی هاتوو چۆ کراوە ، هاوکات داوا لەو هاووڵاتیانە کراوە کە لە ئێرانەوە گەڕاونەتەوە و خۆیان ئاشکرا نەکردووە ، هەربۆیە هۆشداریان پێدەدات لە ئەگەری بەردەوامی خۆشاردنەوەیاندا رێکاری یاساییان لە دژ دەگرنە بەر .

دەقی ڕاگەیەندراوەکە

1-  داوا له‌و هاووڵاتیانه‌ ده‌كه‌ین له‌ كۆماری ئیسلامی ئێرانه‌وه‌ گه‌ڕاونەته‌وه‌ و تا ئێستا پشكنینیان ئه‌نجامنه‌داوه‌، له‌ ماوه‌ی (72) كاتژمێر به‌ خۆیان و پاسپۆرته‌كانیان سه‌ردانی نه‌خۆشخانه‌ی گشتی كه‌لار بكه‌ن به‌ مه‌به‌ستی وه‌رگرتنی سامپڵی پێویست بۆ پشكنین، به‌پێچه‌وانه‌وه‌ هه‌ر یه‌كێك له‌و هاووڵاتیانه‌ سه‌ردان نه‌كات رێكاری یاسایی به‌رامبه‌ر ده‌گیرێته‌به‌ر، ته‌واوی ئه‌و هاووڵاتیانه‌ ناو و ناونیشان و ژماره‌ی ته‌له‌فۆنی له‌به‌رده‌ستمانه‌.

2-  درێژكردنه‌وه‌ی قه‌ده‌غه‌ی هاتووچۆ تا رۆژی (24/3/2020)، ته‌نها شانده‌ فه‌رمییه‌كان و رێكخراوه‌كان و راگه‌یه‌ندنكاران و ئه‌و كارمه‌ندانه‌ی له‌ ئه‌ركدان ده‌توانن هاتووچۆ بكه‌ن.

3-  له‌ ماوه‌ی قه‌ده‌غه‌ی هاتووچۆ خاوه‌ن كۆمپانیاكان و ماركێته‌كان و بازرگانه‌كان، ده‌توانن له‌ كاتژێر (12) ی شه‌و تا (6)ی به‌یانی شمه‌ك و خۆراك بۆ ماركێته‌كان و شوێنی كاریان بهێنن.

4-  جوتیاران و خاوه‌ن باخ و مه‌زره‌عه‌كان، له‌ (12)ی شه‌و تا (6)ی به‌یانی رێگه‌یان پێده‌درێت سه‌ردانی باخه‌كانیان بكه‌ن به‌ مه‌به‌ستی راییكردنی كاره‌كانیان.

5-  رێكخستنه‌وه‌ی كاری مه‌رزی په‌روێزخان و جموجۆڵی بازرگانی به‌شێوه‌یه‌ك زیاتر به‌ریه‌ككه‌وتن كه‌مبكرێته‌وه‌.

6- ئیداره‌ی گه‌رمیان ده‌سه‌ڵات ده‌به‌خشێته‌ قایمقامه‌كانی قه‌زای كه‌لار و قه‌زای كفری به‌ مه‌به‌ستی باشتر گرتنه‌به‌ری رێكاره‌كان له‌ پێناو رێگری له‌ بڵاوبوونه‌وه‌ی ڤایرۆسی كۆرۆنا و سه‌لامه‌تی هاووڵاتیان.