بەرێوەبەرایەتی گشتی ئاسایشی هەولێر : سیخوڕێکی کابینەی هەشتەمی حکومەتی هەرێمی کوردستان ئاشکرا دەکات
بەرێوەبەرایەتی گشتی ئاسایشی هەولێر لە روونکردنەوەیەکدا ئاشکرای دەکات ( رۆژگار رزگار محەممەد ) کە لە کابینەی هەشتەمی حکومەتی هەرێمی کوردستان پاسەوانی تایبەتی وەزیری دارایی بووە ، بەردەوام کاری سیخوڕیکردن بووە .
لە روونکردنەوەکەدا ئاماژە بەوە دەکات ناوبراو لە ژێر سەرپەرشتی و رێنمایی دەزگای زانیاری بۆ بەرژەوەندی لایەنێکی بیانی سیخوڕی بە سەر هەرێمی کوردستان و خودی وەزیرەوە کردووە .
لە کۆتایی روونکرنەوەکەدا هاتووە کاتێک بەڵگەکان سیخوڕی ناوبراویان سەلماندووە ، بە فەرمانی دادوەر دەستگیر کراوەو دەستبەجێ دانی بە تاوانەکەیدا ناوە .
لە ئیستادا کاری لێکۆڵینەوە لەم بارەوە بەردەوامە و زانیاری زیاتر لە داهاتوودا بڵاو دەکرێتەوە .
