دۆناڵد ترەمپ: رێز لە چین دەگرم بەڵام ڤایرۆسەكە لەلای ئەوانەوە هاتووە
دۆناڵد ترەمپ سەرۆكی ئەمریكا بە ناوهێنانی ڤایرۆسی كۆرۆنا بە ڤایرۆسی چینی جارێكی دیكە ئەو وڵاتە نیگەران دەكاتەوە.
ترەمپ لە لێدوانێكدا سەبارەت بەو وشەی بەكاری دەهێنێت “ڤایرۆسەكەی چین” لە وەڵامی پرسیارێكدا وتی “پەیوەندییەكی باشم هەیە لەگەڵ چین و سەرۆكەكەی “شی”، زۆر رێزی تایبەتم هەیە بۆی بە هاوڕێی خۆمی دەزانم، جێی نیگەرانیە كە ئەو ڤایرۆسە لە كۆنترۆڵ دەرچووە”.
وتیشی: بێگومان ڤایرۆسی كۆرۆنای نوێ لە چینەوە هاتووە، بەڵام هەندێك كەس بەوە بێزار دەبن.
تا ئێستا چەند جارێك دۆناڵد ترەمپ وشەی “ڤایرۆسەكەی چینی” بەكار هێناوە، ئەوەش بەرپرسانی وڵاتی چینی توڕە كردووە و ئەو قسانە بە رەگەزپەرستی دادەنێن.
