توركیا مه‌رجه‌كانی خۆی بۆ به‌شداری كردنی یه‌په‌گه له ئه‌ستانه راگه‌یاند
خواكوڕك
وه‌زیری ده‌ره‌وه‌ى توركیا ڕایگەیاند، لە شەوی ڕابردووەوه ھەنگاوەكان بۆ چارەسەری ڕەوشی سووریا كەوتووەتە واری جێبەجێكردنەوە، ھاوكات توركیا ئامادەی تەواوی خۆیی پیشان داوە لە به‌شداری كردنى ئه‌مریكا له گفتوگۆكانى ئاشتى له سووریا كه بڕیاره له شارى ئه‌ستانه‌ى پایته‌ختى كازاخستان به‌ڕێوه بچێت، له‌هه‌مان كاتدا به‌تووندی دژایه‌تی خۆی بۆ به‌شداریكردنى چه‌كداره‌كانی په‌یه‌ده و یه‌په‌گه‌یه له دانوستانه‌كان رایده‌گه‌یه‌نێت.
مه‌ولوود چاوش ئۆغلۆ، وه‌زیری ده‌ره‌وه‌ى توركیا، له لێدوانێكى ڕۆژنامه‌وانیدا ده‌ڵێت،” توركیا پێشوازى ده‌كات له به‌شداریكردنى ویلایه‌ته یه‌كگرتووه‌كانى ئه‌مریكا له گفتوگۆكانی ئاشتى، تایبەت بە چارەسەری ڕەوشی سوریا كه بڕیاره له شارى ئه‌ستانه‌ى پایته‌ختى كازاخستان، ئه‌نجام بدرێت”.
ئوغڵۆ جه‌ختی كرده‌وه، كه نابێت یه‌كینه‌كانى پاراستنى گه‌ل (یه‌په‌گه) به‌شدارى ئه‌و گفتوگۆیانه بكات ئه‌وه‌شمان هه‌ر له‌سه‌ره‌تاوه به ڕووسه‌كان ڕاگه‌یاندووه. وه‌زیره‌كه‌ی توركیا ده‌شڵێت، ئێمه مه‌رجمان هه‌یه تاوه‌كو یه‌په‌گه بتوانێت به‌شدارى گفتوگۆكانى ئه‌ستانه بكات، مه‌رجه‌كه‌ی ئێمه‌ش بریتیه له چه‌ك دانانی ئه‌و هێزه و باوه‌ڕبززنیان به یه‌كپارچه‌یی خاكى سووریا.
