سەرۆك وەزیرانی بەریتانیا: دوو بۆ سێ هەفتەمان ماوە هاوشێوەی ئیتاڵیامان لێبێت
سەرۆك وەزیرانی بەریتانیا رایگەیاند، رەنگە سیستمی تەندروستی وڵات ژێراوژووربێت و دوو بۆ سێ هەفتەی دیکە هاوشێوەی ئیتاڵیامان لێبێت.
رۆژنامەی “سەندەی تەلەگراف”ی بەریتانی بڵاویکردەوە، بۆریس جۆنسن سەرۆک وەزیرانی بەریتانیا رایگەیاندووە، “باردوخۆی تەندروستی وڵات لە ئاستی پێویستدا نییە و رەنگە ڤایرۆسی نوێی کۆرۆنا هاوشێوەی وڵاتی ئیتاڵیامان لێبکات.
هاوکات حکومەتی بەریتانیا لە راگەیەنراوێدا هۆشداری داوەتە یەک ملیۆن و ٥٠٠ هەزار هاوڵاتی دانیشتووی بەریتانیا کە بەرگری جەستەیان کەمە و نەخۆشییان لەگەڵدایە، بەهیچ جۆرێک لە ماڵەکانیان نەیەنەدەرەوە.
ڤایرۆسی نوێی کۆرۆنا زیاتر لە دوومانگە زیاتر لە ١٢٥ وڵاتی جیهانی گرتووەتەوە تا ئێستا لە بەریتانیا ٢٣٣ کەس گیانیان لەدەستداوە و ٥ هەزار و ١٨ کەسی دیکە هەڵگری ڤایرۆسەکەن.
