چین كۆنترۆلی ڤایرۆسی كۆرۆنای كرد نوێترین ئامارى لەسەر تووشبووانی بڵاوکردەوە
ئاژانسێكی هه‌واڵی چین بڵاویكرده‌وه، كه له‌سه‌دا 90ی تووشبووانی ڤایرۆسی كۆرۆنا چاكبوونه‌ته‌وه‌و به‌ته‌واوی نه‌خۆشخانه‌یان جێهێشتووه.
ئاژانسى هه‌واڵی شینخواى چینی بڵاوى کردەوە، تائێستا 81هه‌زارو 93 کەس لە چین توشى کۆرۆنا بوون و لەو ژمارەیش 72هه‌زارو 772 کەسیان چاكبوونه‌ته‌وه‌و نەخۆشخانەیان جێهێشتووە.
به‌گوێره‌ی ئاماره‌كه، ئێستا 5هه‌زارو 120 تووشبووی كۆرۆنا له نه‌خۆشخانه‌كاندا ماونه‌ته‌وه‌و له‌ژێر چاودێری پزیشكیدان و چاره‌سه‌ر وه‌رده‌گرن.
ئاژانسه‌كه له كۆتاییدا ئاماژه به‌وه ده‌دات، هه‌تاوه‌كو ئێستا 3هه‌زار و 270 تووشبووی كۆرۆنا گیانیان له‌ده‌ستداوه.
