وەزارەتی تەندروستی : تووشبوویەکی دیکەی کۆرۆنا لە سلێمانی تۆمار کرا
وەزارەتی تەندروستی حکومەتی هەرێمی کوردستان لە نوێترین ڕاگەیاندراوی خۆیدا باس لە تووشبوویەکی نوێی ڤایرۆسی کۆرۆنا دەکات لە شاری سلێمانی .
لە ڕاگەیاندراوەکەدا هاتووە ،
لە بەردەوامی پشکنینەکان و گەڕان بەدوای گومانلێکراوان، تووشبووێکی ڤایرۆسی کۆڕۆنای نوێ COVID-19 لە شاری سلێمانی دەستنیشانکرا، کە پیاوێکی تەمەن 30 ساڵە و دانیشتووی شاری دەبەندیخانە.
تا ئێستا کۆی گشتی تووشبووان بە ڤایرۆسی کۆرۆنا لە هەرێمی کوردستان گەیشتۆتە 100 حاڵەت و دوو مردن.
وەزارەتی تەندروستی
25 ئازار
