ئۆكراینا:به‌هۆی ڤایرۆسی كۆرۆنا وه‌زیری ته‌ندروستی له‌كار دوور خرایه‌وه
دوای ئه‌وه‌ی ڤایرۆسی كۆرۆنا له جیهاندا بڵاو بووه‌وه وڵاتانی ئه‌وروپا زۆرترین رێژه‌ی تووش بوونی تێدا تۆمار كراوه به به‌راورد له‌گه‌ڵ وڵاتانی دیكه‌ی جیهانی، له‌نێویشاندا وڵاتی ئۆكراینا دوای تۆمار كردنی 480 حاله‌تی تووش بوون و مردنی 11 كه‌س به هۆی ڤایرۆسه‌كه وه‌زیری ته‌ندورستی له‌كاره‌كه‌ی دوور خرایه‌وه.
میدیاكانی ئۆكراینا رایانگه‌یاندووه كه وەزیری تەندروستی لە رێكخستنی كاری وەزارەت شكستی هێناوە و نەیتوانیوە پلانێكی تۆكمە و كارا بۆ رووبەڕووبوونەوەی ڤایرۆسی كۆرۆنا دابڕێژێت، بۆیە زۆرینەی پەرلەمانتاران دەنگیان بە دوورخستنەوەی لە پۆستەكەی داوە.
پەرلەمانی ئۆكراینا پێشنیازی دامەزراندنی مەكسیم ستیپانۆڤ، سەرۆكی پێشووی ئیدارەی هەرێمیی لە كەرتی ئۆدیسا وەك وەزیری نوێی تەندروستی بۆ سەرۆكی وڵاتەكەیان كردووە.
