هێزی ئۆپەراسیۆنە تایبەتەکانی ئەمریکا ناسراو بە ( دلتافۆرس ) گەیشتە عێراق
بە گەیشتنی هێزی مەترسیداری ( دلتافۆرس ) گرینگی چۆن مانەوە لە عێراق بۆ ئەمریکیەکان باشتر خۆی دەردەخات .
سەرچاوەکانی تایبەت لەمبارەوە وێرای ئەوەی باس لەوە دەکەن پێدەچێت ئەم هێزە بۆ پۆپراسیۆنێکی بەرفراوان لە دژی گرووپە شیعەکان و حزبووڵلا خۆی گەیاندبێتە عێراق بەڵام پرسیارەکان لە سەر هێزی تایبەتی دلیافۆرس ئەوەیە ، ئەوە چ هێزێکە کەی دامەزراوە و گرینگایەتی کردە سەربازییەکانی چین ؟
.ئاژانسەکانی هەواڵی ئەمریکی باس لەوە دەکەن هەرچەند ئەم هێزە لە رواڵەتێکی گشتی دا هێزێکی دژە تیرۆری پۆشتەو پەرداخە بە هەموو چەکێک بە تایبەت چەکی لەیزەر بەڵام ئەو هێزە واتە ” دلتا فۆرس” سەر بە دەزگای هەواڵگری ئەمریكا یە و هەموو ئەرکە نهێنیەکانی سەربازی و سیتراتیژی کرداری بەرێوە دەبات .
ئاسۆشیتێد پرێس لەمبارەوە ئاماژە بەوە دەکات پارێزگاری هەموو کەسایەتییە گرینگەکانی ئەمریکا لە رێگەی مانگی دەستکردەوە لە سەر زەوی و ئاسمانەوە ئەرکی هیزی دلتافۆرسە .
هەموو سەرچاوەکانی زانیاری ڕاگەیاندنی جیهانیش بۆچونیان وایە ، بودجەی ساڵانەی ئەم هێزە لە دەسەڵاتی و زانیاری سەرۆک کۆماری ئەمریکاش دانییە و لە دەزگای هەواڵگریشدا چەند کەسانێکی خاوەن ستراتیژ ی نهێنی ئەم زانیارییە دەزانن کە ڕاستەوخۆ تاکتیکەکانی رۆژە دەخەنە بواری بەرژەوەندییە درێژخایەنەکانەوە . واتە ئەوانەی دەسەڵاتی نهێنی ئەمریکایان بە دەستە .
دلتا فۆرس ساڵی ١٩٧٧ لە دوای ١٠ ساڵ کاری نهێنی ئاشکرا کرا .
دلتا فۆرس ، رۆلێ سەرەکی لە کوشتنی ئۆسامە بن لادەن و ئەبووبەکر بەغدادی دا هەبووە .
هەمو چەکە ئەتۆمییەکانی ئەمریکا لە ژێر فەرمانی ئەو هیزەدا ئاراستە دەکرێت ،
