نرخی نه‌وت به‌رزده‌بێته‌وه و وه‌زاره‌تی سامانه سروشتیه‌كانیش موژده ده‌دات
خواكوڕك
ئه‌مرۆ دووشه‌ممه 2/1/2017 یه‌ك به‌رمیل نه‌وتی برێنت له‌بازاڕه‌كانی جیهان به 56 دۆلار و 88 سه‌نت مامه‌ڵه‌ی پێوه‌ده‌كریـت له‌كاتێكدا دوێنێ نه‌وت به‌درێژایی رۆژ به 56 دۆلار و 43 سه‌نت مامه‌ڵه‌ی پێوه‌ده‌كرا.
هۆكاره‌كانی به‌رزبوونه‌وه‌ی ئه‌م نرخه‌ش ده‌گه‌ڕێته‌وه بۆ ڕێککەوتنی وڵاتانی ئۆپیک لەسەر سنوردارکردنی هەناردەی نەوت بۆ بازاڕەکانی جیهان، كه بۆ یه‌كه‌م جاره له‌وه‌ته‌ی ساڵی 2001 ئه‌م جۆره رێكه‌وتنه ئه‌نجام بدرێت.
به‌پێی زانیاریه‌كانی وه‌زاره‌تی سامانه سروشتیه‌كان، نرخی نه‌وتی هه‌رێم له نێوان 42 بۆ 45 دۆلار مامه‌ڵه‌ی پێوه‌ده‌كرێت، وه‌كۆی فرۆشی نه‌وت هه‌رێم بۆ ساڵی 2017 له نێوان 650 – 800 هه‌زار به‌رمیل نه‌وت ده‌بێت له‌رۆژێكدا، ئه‌مه‌ش واده‌كات داهاتی مانگانه‌ی حكومه‌ت له سنوری 800 ملیۆن دۆلاری مانگانه بێت بێجگه له خه‌رجیه‌كان.
