وەزیری تەندروستیی ئیسرائیل و هاوژینەکەی تووشی کۆرۆنا بوون
ئەمڕۆ پێنج شەممە 2-4-2020، حکوومەتی ئیسرائیل رایگەیاندووە، حاخام یەعقوب لیتسمان، وەزیری تەندروستی و هاوسەرەکەی، تووشی پەتای کۆرۆنا بوون.
حاخام یەعقوب لیتسمان (تەمەن 71 ساڵ)، هیچ بڕوانامەیەکی پزیشکی نییە و لە سەرتای گرتنەبەری رێوشوێنەکان بۆ رێگرتن لە بڵاوبوونەوەی ڤایرۆسی کۆرۆنا، داوای کردبوو بڕیاری قەدەغکردنی گردبوونەوەکان کەنیسەکانی وڵاتەکەی نەگرێتەوە و بەشێک لە میدیا ئیسرائیلییەکانیش ئەوە داوایەی لیتسمان بە هۆکاری زۆر بڵاوبوونەوەی پەتاکە لە وڵاتەکەیان، هەژمار دەکەن.
سوپای ئیسرائیل بڵاویكردوەتەوە، 97 سەرباز و ئەفسەر توشی ڤایرۆسی كرۆنا بون و ژمارەیەكی زۆریش خراونەتە كەرەنتینەوە، كە لەنێوانیاندا سەرۆك ئەركانی تێدایە، هەروەها ئەوانەی كەرەنتینە كراون تا ئَێستا 3 هەزار و 23 سەرباز و ئەفسەرن، ئەوەش بەهۆی ئەوەی لەگەڵ توشبواندا تێكەڵ بوون.
بەپێی دوایین ئامار، تا بەرەبەیانی ئەمڕۆ (پێنجشەممە) ژمارەی توشبوانی ڤایرۆسی كۆرۆنا لە ئیسرائیل گەیشتوەتە 6 هەزار و 211 كەس و لەو ژمارەیەش 30 توشبویان گیانیانلەدەستداوە.
