بە پێی یەکەم پیتی ناوەکان مووچەی کەمئەندامان دابەش دەکرێت
بەڕێوەبەرایەتی گشتی چاودێری و گەشەپێدانی کۆمەڵایەتی هەولێرلە ڕاگەیاندراوێکدا ئاشکرای دەکات ، لە پێناو پاراستنی تەندروستی و بەرژەوەندی فەرمانبەران و خاوەن پێداویستییە تایبەتەکان ، بە هەماهەنگی لە گەڵ پارێزگای هەولێر و و بەڕێوەبەرایەتی گشتی بانکە بازرگانییەکان بۆ ئەوەی هێزەکانی ناوخۆ کارئاسانی بکەن بۆ هاتووچۆی کەم ئەندامان بۆ وەرگرتنی مووچەکانیان .
هاوکات داوا لە بانکەکان کراوە بە گشتی ئاسانکاری بۆ وەرگرتنی مووچەکان بکرێت و ئەگەر کەم ئەندامێکیش خۆی ڕاستەوخۆ ئامادە نەبوو ، بریکارەکەی وەک کەسێکی نزیکی خۆی بەو مەرجەی ناسنامەی کەم ئەندامەکەی پێ بێت ، مووچەکەی بدەنێ .
لەلایەکی تریشەوە بۆ کار ئاسانی ئەو ناوچە و کۆمەڵگەیانەی لە کەرەنتینە دان ژمارە موبایلی 07504482750 تەرخان کراوە بۆ وڵامدانەوەی ئەو کەسانەو مووچەکانیان بۆ دەبردرێتە ماڵەوە .
بە گوێرەی ئەو ڕاگەیاندراوە دابەشکردنی مووچەی کەمئەندامان بە پێی پیتی ئەبجەد دەبێت و لە رۆژی شەممەوە دەست پێدەکات بەم جۆرەی خوارەوە
رۆژی شەممە 4-4-2020
– کاژێر 8 تاوەکو 9 پیتی (ا)
– کاژێر 9 تاوەکو 10 پیتی (ب،پ،ت،ث)
– کاژێر 10 تاوەکو 11 پیتی (خ ،ح،چ،ج،د،ذ)
– کاژێر 11 تاوەکو 12 پیتی (ر،ز،ژ)
– کاژێر 12 تاوەکو 1 پیتی (س ،ش، ص ،ض ، ظ)
رۆژی یەکشەمە 5-4-2020
– کاژێر 8 تاوەکو 9 پیتی (ط ،ع ،غ ،ف)
– کاژێر 9 تاوەکو 10 پیتی (ق، ك، گ، ل)
– کاژێر 10 تاوەکو 11 پیتی (م)
– کاژێر 11 تاوەکو 12 پیتی (ن ، هــ)
– کاژێر 12 تاوەکو 1 پیتی (و ، ی)
