غازی سروشتی كێشه له‌نێوان ئێران و توركمانستان دروست ده‌كات
خواكوڕك
به‌ره‌به‌یانی ئه‌مرۆ دوو شه‌مه 2/1/2017 حكومه‌تی توركمانستان رایگه‌یاند، ئه‌و غازه سروشتیه‌ی بۆ ناوچه‌كانی باكوری ئێران ده‌رۆیشت، راگیراوه و هۆكاره‌كه‌شی بۆ زۆری قه‌رزی ئه‌و وڵاته ده‌گه‌ڕێته‌وه لای ئێران.
پێشتر حكومه‌تی توركمانستان له رێگه‌ی كۆمپانیای توركمانگاز بڕی 700 ملیۆن مەترسێجا غازی سروشتی هه‌نارده‌ی شاره‌كانی باكوری ئێران ده‌كرد، به‌ڵام له ئێستادا ناردنی ئه‌م گازه راگیراوه به‌هۆی ئه‌وه‌ی حكومه‌تی ئێران تا ئێستا قه‌رزه‌كانی ساڵی پاری نه‌داوه.
له‌لایه‌كیتر حكومه‌تی ئێران بڵاویكردۆته‌وه كه راگیرانی ئه‌م بڕه غازه ده‌گه‌ڕێته‌وه بۆ ئه‌و شه‌پۆڵه سه‌رمایه‌ی ناوچه‌كه‌ی گرتۆته‌وه و به‌منزیكانه‌ش له‌رێگه‌ی كۆمپانیای نیشتمانی غازی ئێرانی، غاز بۆ ئه‌و ناوچانه‌ی كێشه‌یان هه‌یه دابین ده‌كات.
به‌پێی زانیاریه‌كانی مالپه‌ڕی توركمان نیوز، تا ئێستا ئێران به به‌های 5 ملیار دۆلار قه‌رزی كۆمپانیاكانی به‌رهه‌مهێنانی غازی سروشتی نه‌داوه و پێده‌چی دوای ئه‌و بڕیاره‌ی حكومه‌تی توركمانستان، ئێران ناچاربێت به‌شێك له‌و قه‌رزانه بدات.
