تاقیكردنه‌وه‌ی به‌هێزی په‌یكه‌ری ئۆتۆمبێل له‌نیوه‌ی یه‌كه‌می سه‌ده‌ی رابردوو
خواكوڕك
پێگه‌ی ئۆتۆ بینگ، وێنه‌یه‌كی ئۆتۆمبێلی مارسیدس بڵاوده‌كاته‌وه و له‌ژێریه‌وه ده‌نوسێت، “بێهێزترن ریكلام بۆ به‌هێزترین ئۆتۆمبێل” وه‌ك ئاماژه‌دانێكی به پته‌وی په‌یكه‌ری ئۆتۆمبێل له‌سه‌ره‌تای داهێنان و په‌ره‌پێدان به ئۆتۆمبێل له‌لایه‌ن كۆمپانیای مارسیدسی ئه‌ڵمانی.
به‌پێی هه‌ڵسانگاندنی پێگه‌ی ئۆتۆ بینگ، له‌ئێستادا ته‌نانه‌ت كۆمپانیاكانی دروستكردنی بارهه‌ڵگره‌كانیش ناتوانن به‌مشێوه‌یه تاقیكردنه‌وه به به‌رهه‌مه‌كانیان بكه‌ن، چونكه به‌هۆی زۆری خواست له‌سه‌ر به‌كارهێنانی مادده‌ی ئاسن، ناتوانرێت به‌مخێراییه ئه‌م مادده‌یه له پیشه‌سازیه‌كاندا به‌كاربهێنرێت.
هه‌وره‌ها ده‌شڵێت، له‌وێنه‌كه‌دا نزیكه 30 گه‌نج به‌سه‌ر ته‌خته‌یه‌كی پۆڵاینه‌وه ده‌بینرێن كه‌به‌سه‌ره‌وه‌ی ئۆتۆمبێله‌كه راگیراوه، كۆی كێشی ئه‌م پیاوانه، ئه‌گه‌ر بۆ هه‌ر كه‌سێك 65 كیلۆ وه‌ك رێژه‌ی ناوه‌راست وه‌ربگرین، ئه‌وا به قورسایی نزیكه‌ی دووته‌ن (1950) كیلۆ قورسایی خراوه‌ته سه‌ر ئۆتۆمبێله‌كه.
