بهیاننامهیهك له سهندیكای پزیشكانی كوردستان
![](https://xwakurk.com/wp-content/uploads/2020/04/32-1.jpg)
دوای ئهوهی ئهمڕۆ له سلێمانی هێزێكی ئهمنی پزیشكێكیان له كاتی چوون بۆ ئهرك راگرت دوای دهمهقاڵێی نێوان ههردوولا له پزیشكهكه درا، ئهمهش بووه هۆی دڵگرانی پزیشكان و كارمهندانی پزیشكی كه له ئێستادا له شهونخونی و ماندووبوونی زۆر دان به هۆی ڤایرۆسی كۆرۆنا.
رووداوهكه بووه هۆی ئهوهی كه سهندیكای پزیشكانی كوردستان راگهیێندراوێك بڵاو بكهنهوهو رایدهگهیهنن بەداخەوە كە ھەندێك جار لێرە ولەوێ گوێبیستی بێڕێزی و رێگەگرتن دەبین لە پزیشكان لەكاتی چوونە سەركار و گەڕانەوەیان بۆ ماڵەكانیان، تازەترینیان ئەو بێڕێزی و ئازاردانەیە كە بەرامبەر ھاوپیشەیەكمان ئەمڕۆ لە شاری سلێمانی كراوە.
دەقی بەیاننامەی سەندیكای پزیشكانی كوردستان:
بەیاننامە بۆ بەڕێز وەزیری ناوخۆ
بۆ بەڕێزان لە لێژنەی بەرەنگاربوونەوەی کۆرۆنا
لەگەڵ سەرھەڵدانی پەتای كۆڤید 19 پزیشكانی كوردستان ھاوشانی كارمەندانی تەندروستی و ھێزە ئەمنییەكان پێشمەرگە ئاسا وەكو جەنگاوەری ھێڵی یەكەمی ئەم جەنگە شەو و رۆژ لە خزمەتی ھاووڵاتیانی ھەرێمەكەماندا، بە بەردەوامی و بێ وچان گیانی خۆیان و خێزانەكانیان خستووەتە مەترسییەوە، تاوەكو چارەسەری تووشبووان و ھاوكاری ھاووڵاتیان بكەن و رێگری لە زیاتر بڵاووبوونەوەی ئەم پەتایە بکەن.
بەڵام بەداخەوە كە ھەندێك جار لێرە ولەوێ گوێبیستی بێڕێزی و رێگەگرتن دەبین لە پزیشكان لەكاتی چوونە سەركار و گەڕانەوەیان بۆ ماڵەكانیان، تازەترینیان ئەو بێڕێزی و ئازاردانەیە كە بەرامبەر ھاوپیشەیەكمان ئەمڕۆ لە شاری سلێمانی كراوە.
ھەر لەسەرەتای حاڵەتەكەوە وەكو سەندیكا ھاتوینەتە سەرخەت لەگەڵ بەڕێزان پارێزگاری سلێمانی و بەڕێز بەڕێوبەری گشتی تەندرووستی سلێمانی و بە سوپاسەوە ئەوانی بە دەنگمانەوە ھاتوون و ھەوڵی جددیان داوە بۆ چارەسەركردن و دیاریكردنی ئەو كەسەی كە بێ ڕێزییەكەی ئەنجام داوە و بەڵێنیان پێداین كە سزای سەرپێچیكارەكە دەدەن.
ئێمە دەزانین كە زۆربەی برایانمان لە ھێزەكانی ناوخۆ و ئاسایش و پێشمەرگە، بەوپەڕی رێزەوە لەگەڵ ھاووڵاتیان بە گشتی و پزیشكان بە تایبەتی مامەڵەیان كردووە، بەڵام بەداخەوە ژمارەیەكی زۆر كەم دەیانەوێت بە مەبەست ئازاری ھاوپیشەكانمان بدەن، كە نازانین ھۆكار چییە.
لێرەوە وەكو سەندیكا داوا لە سەرجەم لایەنە پەیوەندیدارەكان دەكەین، كەرامه ت و سەلامەتی گیانی پزیشكانی کوردستان بپارێزن و سنوورێك بۆ ئەم جۆرە ھەڵسوكەوتانە دابنێن، چونكە پزیشكان لە ھێڵی یەكەمی بەرەنگاربوونەوەی ئەم پەتایەن.
داوا لە بەڕێزتان دەکەین بە بڕیار و ڕێنمایەکانتاندا بچنەوە سەبارەت بە پزیشکان، پزیشکان ئازادانە و تەنها بە ناسنامەی سەندیکای پزیشکان و وەزارەتی تەندروستی ڕێگەپێدراوبن بۆ هاتوچۆ .
بەھەمان شێوە داوای خۆڕاگری وپابەندبوون لە سەرجەم ھاوپیشەكانمان دەكەین، كە نابێت ھیچ جۆرە ھەڵسوكەتێكی ناڕەوا كار بكاتە سەر جێبەجێكردنی كارەكانمان و ساردمان بکاتەوە لە خزمەتی گەل و وڵاتەكەمان.
دووبارە و سێبارە داوا لە ھاوڵاتییان دەکەین، پابەندی رێنماییەكان بن و لەماڵەكانیان بمێننەوە
سەندیکای پزیشکانی کوردستان
٦/٤/۲٠۲٠