رێنمایی و ئاسانکاری  یاسای قەدەغەی هاتووچۆی هاووڵاتیان لە هەولێر ڕاگەیاندرا

هێمن قادر جێگری پارێزگاری هەولێر لە کۆنفرانسێکی رۆژنامەوانیدا ، چۆنیەتی ڕێنمایی و ئاسانکارییەکانی بەردەوامی قەدەگەی هاتووچۆی هاوولاتیانی لە شاری هەولێر بەم شێوەی خوارەوە ڕاگەیاند

جێگری پارێزگاری هەولێر رایگەیاند، بە گوێرەی رێنماییەکانی وەزارەتی ناوخۆ لە کاتژمێر 8ی بەیانی تاوەکو 6ی ئێوارە مارکێت و نانەواخانەکان کراوە دەبن و بڕیارەکەش تاوەکو 10ی نیسان بەردەوام دەبێت.

نانەواخانە و مارکێتەکان و  لە 8ی بەیانی بۆ8ی ئێوارە کراوە دەبن

بەنزینخانەکان لە 8ی بەیانی بۆ6ی ئێوارە کراوە دەبن

دەرمانخانەکان بەردەوام کراوە دەبن

عەلوەکان لە 12ی شەو بۆ 12ی نیوەرۆ کراوە دەبن

غازفرۆش و میوە و سەوزەفرۆش و گۆشتفرۆش لە 6ی بەیانی تاوەکوو12ی نیوەڕۆ

بارکردنی غاز و سەردانی کێڵگە و گواستنەوەی  کەلوپەلی کۆگاکان له 12ی شەو بۆ 6ی بەیانی

وەرگرتنی مووچەی فەرمانبەران لە 8ی بەیانی بۆ 2ی  نیوەڕۆ

لە کاتژمێر 6ی ئێوارە بۆ 12ی شەو پیادە و ئۆتۆمبێل قەدەغەیە وەکوو قەدەغەی 48کاتژمێری